Morgaon News : पुरंदर तालुक्यातील मावडी क. प. जवळ कुसाळवाडी येथे विद्युत वितरण कंपनीच्या मुख्य विद्युत वाहिनीचा जम्प तुटल्याने येथील एका शेतकऱ्याचा ऊस जळून खाक झाला आहे. तसेच बारामती तालुक्यातील मोरगाव व लोणी भापकर फिडरवरील 11 गावांचा विद्युत पुरवठा गेल्या तीन तासापासून बंद पडला आहे. (Morgaon News)

याबाबत सविस्तर वृत्त असे की, विद्युत वितरण कंपनीच्या मोरगाव व लोणी भापकर या फिडरसाठी पुरंदर तालुक्यातील जेजुरी येथून विद्युत पुरवठा करण्यात येतो. येथे येणाऱ्या मुख्य विद्युत वहिनीचा जंप आज सकाळी तुटला आहे. हा जंप तुटल्यामुळे मावडी क. प. नजीक एका शेताजवळच हा जंप तुटल्याने ऊस जळून खाक झाला आहे. (Morgaon News)

तसेच जंप तुटल्याने मोरगाव परिसरातील मोरगाव, तरडोली, जोगवडी, मुर्टी, मोढवे तर लोणी भापकर फिडरवरील लोणी भापकर, पळशी, मासाळवाडी सायबांची वाडी, माळवाडी या गावांचा विद्युत पुरवठा बंद पडला आहे. (Morgaon News)

हा विद्युत पुरवठा सिंगल फेज व थ्री फेज या दोन्ही वाहिन्यांचा बंद करण्यात आल्याची माहिती महावितरण कंपनीच्या अधिकृत सूत्रांकडून देण्यात आली. (Morgaon News)

Morgaon : सुनेत्रा पवार यांची शेतकरी कुटुंबासोबत भाऊबीज