Pune Ward Structure : काल पुणे आणि पिंपरी चिंचवड महापालिकेसह काही महापालिकेंच्या प्रारुप प्रभाग रचना आराखडा जाहीर करण्यात आला. पुणे शहरातील प्रारुप प्रभाग रचनेत मध्यवर्ती भागातील प्रभागरचनेते मोठे बदल करण्यात आले आहे. तर दुसरीकडे उपनगरांमध्ये फेरबदल करण्यात आलेले नाही. यामुळे आता नव्या प्रभाग रचनेवरून महायुतीत राजकीय शीतयुद्ध पेटण्याची शक्यता वर्तविण्यात आली आहे. पुण्यात आगामी महापालिका निवडणुकीसाठी एकूण 41 प्रभाग असणार आहेत. यात 40 प्रभाग चार सदस्यीय असतील तर एक प्रभाग पाच सदस्यीय असणार आहे. आता याबाबत हरकती आणि सूचनासांठी वेळ देण्यात आला आहे. त्यानुसार 22/08/2025 ते दि. 03/09/2025 पर्यंत कार्यालयीन वेळेत या हरकती सूचना देण्याची वेळ देण्यात आली आहे. नव्या प्रभाग रचनेनुसार महापालिकेच्या नगरसेवकांची संख्या १६५ झाली आहे. तसेच 41 प्रभागांपैकी प्रभाग क्रमांक 38 हा 5 सदस्यीयांचा असणार आहे. अजितदादांच्या राष्ट्रवादीला फटका बसणार? मात्र, या प्रभागरचनेचा भाजप आणि शिंदेसेनेला फायदा होणार आहे. तर अजितदादांच्या राष्ट्रवादीला फटका बसणार असल्याचं बोललं जात आहे. याचं कारण म्हणजे राष्ट्रवादीच्या नेत्यांचे वर्चस्व असलेल्या प्रभागात बदल केल्याने चिंतेचे वातावरण तयार झालं आहे. तर पुणे शहरातील पर्वती, कोथरूड, शिवाजीनगर या मध्यवती भागातील विधानसभा मतदारसंघांतील प्रभागांची संख्या कमी होणार नाही, याची काळजी घेण्यात आली आहे. एकनाथ शिंदे आणि देवेंद्र फडणवीस यांच्यात शीतयुद्ध? येत्या दिवाळीनंतर स्थानिक स्वराज्य संस्थांच्या निवडणुकीचं बिगुल वाजणार हे आता जवळपास निश्चित झालं आहे. खरंतर प्रभाग रचना पुणे महापालिकेने रचना नगर विभागाला पाठवली होती. त्यामध्ये तीन प्रभाग तीन सदस्यांचा असावा असा प्रस्ताव महापालिकेने पाठवला होता. मात्र, तीन सदस्य न ठेवता पाच सदस्यांचा एकच प्रभाग करण्यात आला आहे. यामुळे आता एकनाथ शिंदे आणि देवेंद्र फडणवीस यांच्यात शीत युद्ध पेटणार असल्याचं बोललं जात आहे. हेही वाचा : Dadar Kabutar Khana : कबूतरखान्यासंदर्भात 13 सदस्यीय समितीची स्थापना; मानवी आरोग्यावर कबुतरांच्या परिणामांचा होणार अभ्यास
