Tharala Tar Mag : स्टार प्रवाह या वाहिनीवरील ‘ठरलं तर मग‘ या लोकप्रिय या मालिकेत पूर्णा आजीची भूमिका साकारणाऱ्या जेष्ठ अभिनेत्री ज्योती चांदेकर यांचे निधन झाले होते. त्यांच्या निधनांतर ही व्यक्तीरेखा कोण साकारणार याबाबत कोणतीही माहिती समोर आली होती. आता याबाबत एक मोठी अपडेट समोर आली आहे.  

या मालिकेच्या निर्मात्यांनी पूर्णा आजीच्या व्यक्तिरेखेबाबत लवकरच निर्णय घेतला जाईल असे स्पष्टीकरण अगोदर दिले होते. आता पूर्णा आजीची पुन्हा एकदा या मालिकेत धमाकेदार एन्ट्री झाली आहे. याचा प्रोमो व्हिडीओ देखील शेअर करण्यात आला आहे. 

गेल्या काही दिवसांपूर्वी पूर्णा आजीची व्यक्तीरेखेत अनेक अभिनेत्रींच्या नावाची चर्चा होती. अखेर ही व्यक्तीरेखा ज्येष्ठ अभिनेत्री रोहिणी हट्टंगडी साकारणार आहेत. सुभेदारांच्या घरात पूर्णा आजीची धमाकेदार एन्ट्री झाली आहे. स्टार प्रवाह वाहिनीने शेअर केलेल्या प्रोमोत पूर्णा आजी (रोहणी हट्टंगडी) घरी येताच प्रियाच्या चांगली कानाखाली मारते. तसेच घराबाहेर काढण्याची धमकी देते. पूर्णा आजी घरी परत आल्यामुळे सुभेदारांच्या घरात आनंदाचे वातावरण पाहायला मिळत आहे.

 

View this post on Instagram

 

A post shared by Star Pravah (@star_pravah)

ज्येष्ठ अभिनेत्री रोहिणी हट्टंगडी पूर्णा आजीची भूमिका साकारताना दिसणार आहेत. यामुळे चाहत्यांना खूप आनंद झाला आहे. रोहिणी हट्टंगडी या ज्येष्ठ अभिनेत्री असून त्यांनी अनेक मराठी हिंदी सिनेमात आपल्या दर्जेदार अभिनयाने चाहत्यांच्या मनात स्थान निर्माण केले आहे. त्यांनी छोट्या पद्यावरील चार दिवस सासूचे, होणार सून या घरची या मालिकेत केलेल्या अभिनयाने प्रेक्षकांनी कौतुक केले.

आता ज्येष्ठ अभिनेत्री रोहिणी हट्टंगडी ठरलं तर मग मालिकेत पूर्णा आजीच्या भूमिकेत दिसणार असून मालिकेच्या कथानकात त्यांची एन्ट्री झाली आहे. यामुळे आता कथानक कोणते वळण घेणार हे पाहणे उत्सुकतेचे असणार आहे. सध्या मालिकेत प्रियाच्या खऱ्या आई-बाबांची एन्ट्री झाली आहे. तर दुसरीकडे सायली आणि अर्जुनला रोमँटिक अंदाजात पाहायला मिळत आहे. ठरलं तर मग मालिका स्टार प्रवाह वाहिनीवर संध्याकाळी साडेआठ वाजता पाहायला मिळते.

हेही वाचा : धर्मासाठी बॉलीवूड सोडलेली ‘दंगल’ गर्ल अभिनेत्री जायरा वसीमचा झाला निकाह