पुणे : भारतीय जनता पक्षाच्या प्रभाग क्रमांक २३ रविवार पेठ- नानापेठच्या अधिकृत उमेदवार ऋतुजा तेजस गडाळे- घुले यांनी मंगळवारी आपला अर्ज दाखल केला. कुटूंबातील सदस्य तसेच कार्यकर्ते यावेळी उपस्थित होते. प्रभाग २३ मधील ( क- सर्वसाधारण महिला ) या जागेसाठी त्यांना भाजपकडून संधी देण्यात आली आहे. माजी नगरसेविका सुनंदा गडाळे यांची ती सून आहे. रविवार पेठ नानापेठ प्रभाग या पेठांचे प्रतिनिधीत्व करण्याची संधी पक्षाकडून देण्यात आली असून या भागातील वाहतूक कोंडी, पार्किंगची समस्या महापालिकेशी संबधित रहिवासी वर्गाचे प्रश्न, या भागातील कामगारांसाठी व तेथील नागरिक यांचा सर्वांगीण विकास करण्यासाठी महापालिकेच्या माध्यमातून आवश्यक त्या सोयीसुविधा उपलब्ध करून देण्याचा आपला प्रयत्न राहणार असल्याचे ऋतुजा तेजस गडाळे यांनी स्पष्ट केले. यावेळी माजी नगरसेविका सुनंदा गडाळे मयुरा गडाळे, तेजस गडाळे, किशोर कदम, इस्तियाक शेख, अजित घुले, श्रीनाथ परदेशी, सागर परदेशी यांच्यासह मोठ्या संख्येने कार्यकर्ते उपस्थित होते.
