बंगळुरू :- प्रो-कबड्डी लीगमध्ये सोमवारी झालेल्या  18 व्या लढतीत जयपूर पिंक पॅंथर्सने पिछाडीवरून बाजी मारताना गुजरात जायंट्सवर ३५-३२ अशी अवघ्या दोन गुणांनी मात केली. या सामन्यात जयपूरचा संघ पिछाडीवर पडलेला असताना त्यांच्या अर्जुन देशवालने सामन्याला कलाटणी देणारी कामगिरी केली. त्याच्या आक्रमणासमोर गुजरातच्या खेळाडूंकडे उत्तरच नव्हते. त्यांनीही चांगली लढत दिली मात्र, ते संघाचा पराभव टाळू शकले नाहीत.

सामवारी झालेल्या या पहिल्या लढतीत पहिल्या मिनिटापासून खरेतर गुजरात संघाने वर्चस्व राखले होते. त्यांनी जयपूर संघाच्या खेळाडूंच्या अफलातून पकडी करताना महत्वाचे गुण मिळवले. पहिले सत्र गुजरातच्या वर्चस्वाचे राहीले. त्यांच्या भरात असलेल्या सोनु जगलनने रोहित गुलीयासह संघाला आघाडी मिळवून दिली.

पैंथर्स सेना ने जांयट्स के हुनरबाजों को किया पस्त 💪

इस 💥 जीत पर क्या है आपकी राय❓💬 #ProKabaddi #PKLSeason10 #PKL #HarSaansMeinKabaddi #JPPvGG #JaipurPinkPanthers #GujaratGiants pic.twitter.com/GmNaqn7TEV

— ProKabaddi (@ProKabaddi) December 11, 2023

जयपूरच्या खेळाडूंनीही चढाई केल्या मात्र, ते पहिले सत्र संपले तोपर्यंत गुजरातशी बरोबरी करु शकले नाही. या सत्रात गुजरातने २० विरुद्ध १२ अशी मोठी आघाडी घेतली होती. अर्थात जयपूरने दुसरे सत्र मात्र, गाजवले. त्यांच्या खेळाडूंनी गुजरातविरुद्ध सर्वबादचे व बोनसचे महत्वपूर्ण गुण कमावले. टॅकल गुणांमध्येही जयपूरने बाजी मारली. स्टार खेळाडू अर्जुन देशवालने अचानक आक्रमक होत गुजरातच्या खेळाडूंवरच दडपण टाकले. त्यावेळी गुजरातच्या खेळाडूंकडून वारंवार चुका होत होत्या.

#PKLSeason10 (#DELvHS Match 17) : हरियाणा स्टीलर्सचा दबंग दिल्लीवर अवघ्या 2 गुणांनी थरारक विजय…

जयपूरने एकवेळ अशी मुसंडी मारली की या दोन्ही संघांची २४-२४ अशी बरोबरी झाली. इकेच नव्हे तर देशवालला साथ देत सुनील कुमार व शौल कुमार यांनीही लोण चढवताना जयपूरला चक्क ३ गुणांची आघाडी मिळवून दिली व सामन्याचे चित्रच पालटवून टाकले. गुजरातच्या विकास जगलन व राकेश सुंगोरीया यांना आलेले अपयश सामन्याला कलाटणी देणारे ठरले होते. देशवालने एकूण १५ गुणांची कमाई करत जयपूरचा विजय साकार केला. त्याला अखेरच्या काही मिनिटांमध्ये भवानी राजपूतने ६ गुण मिळवताना सुरेख साथ दिली.