प्रभात वृत्तसेवा
पिंपरी – महिलेवर चाकूचा वार करीत तिच्‍या गळ्यातील एक लाख रुपयांचे मंगळसूत्र हिसकावले. ही घटना मंगळवारी (दि. १६) सकाळी दहा वाजताच्‍या सुमारास खेड तालुक्‍यातील येलवडी येथे घडली.याबाबत २५ वर्षीय महिलेने गुरुवारी (दि. १८) महाळुंगे एमआयडीसी पोलीस ठाण्‍यात फिर्याद दिली आहे. पोलिसांनी अज्ञात चोरट्याच्‍या विरोधात गुन्‍हा दाखल केला आहे.

पोलिसांनी दिलेल्‍या माहितीनुसार, मंगळवारी सकाळी दहा वाजताच्‍या सुमारास फिर्यादी या राहत्‍या घराचे कुलूप काढत होत्‍या. त्‍यावेळी आलेल्‍या अज्ञात चोरट्याने त्‍यांच्‍या गळ्यालचा चाकू लावला. महिलेच्‍या गळ्यातील १३ ग्रॅम वजनाचे सोन्‍याचे मंगळसूत्र हिसकावले. महिलेने प्रतिकार केला असता तिच्‍या हातावर चाकूने वार केला. महाळुंगे एमआयडीसी पोलीस याबाबत अधिक तपास करीत आहेत.