Paris Paralympics 2024 (Sachin Khilari) : पॅरिस येथे होणाऱ्या पॅरालिम्पिक स्पर्धेच्या गोळाफेकप्रकारात भारताचे प्रतिनिधित्व करण्यासाठी सचिन खिलारी आज (शनिवारी) रवाना होणार आहे. पॅरालिम्पिकमध्ये सचिन एफ-४६ या प्रकारात आपले कौशल्य दाखविणार आहे. सचिनने जपान येथील कॅबे या ठिकाणी झालेल्या पॅरा अॅथलेटिक वर्ल्ड चॅम्पियनशिप स्पर्धेत सुवर्णपदक मिळविताना पॅरालिम्पिकचा कोटा मिळविला होता.

मूळ सांगलीच्या असणारा सचिन गेल्या ४ वर्षांपासून पुण्यातील आझम स्पोर्ट्स अकादमीच्या मैदानावर सराव करत आहे. सरावात सातत्य राखणाऱ्या सचिनने सुरुवातीपासून दमदार खेळाच्या जोरावर अनेक स्पर्धांमध्ये यश मिळविले. या स्पर्धेत देखील सचिनने यश मिळवावे यासाठी आज आझम स्पोर्ट्स अकादमीच्या वतीने छोटेखानी कार्यक्रमाचे आयोजन करण्यात आले होते.

महाराष्ट्र कॉस्मोपॉलिटिन एज्युकेशन सोसायटीचे अध्यक्ष डॉ. पी. ए. इनामदार, उपाध्यक्षा आबेदा इनामदार, सोसायटीचे सचिव इरफान शेख, आझम स्पोर्ट्स अकादमीचे संचालक तथा मार्गदर्शक डॉ. गुलजार शेख यांनी स्पर्धेत धवल यश मिळावे, अशा शुभेच्छा सचिनला दिल्या.

Paris Paralympics 2024 : भारतीय संघाचे सर्वोत्तम कामगिरीकडे लक्ष; सुमित अंतिलच्या नेतृत्वाखाली पहिली तुकडी पॅरिसला रवाना…

यावेळी बोलताना सचिन खिलारे म्हणाला, मे महिन्यात झालेल्या पॅरा अॅथलेटिक वर्ल्ड चॅम्पियनशिपस्पर्धेत सुवर्णपदक मिळविल्याने या स्पर्धेत देखील चांगली कामगिरी कराताना सुवर्णपदक मिळेल, अशी आशा आहे. यावेळी महाराष्ट्र कॉस्मोपॉलिटिन एज्युकेशन सोसायटीचे अध्यक्ष डॉ. पी. ए. इनामदार, उपाध्यक्षा. सचिव इरफान शेख यांनी मनोगत व्यक्त केले. कार्यक्रमाचे सूत्रसंचालन क्रीडाशिक्षक माजीद शेख यांनी तर आभार प्रदर्शन डॉ. गुलजार शेख यांनी केले.