Paris Olympics 2024 : – जर्मनी विरुद्धाच्या सामान्यात गोल करण्याच्या अनेक संधी निर्माण झाल्या होत्या. मात्र त्या संधींचे रूपांतर गोलमध्ये होऊ शकले नाही. त्यामुळे जर्मनीकडून झालेला पराभव हा अत्यंत दुर्दैवी होते. मात्र, भारतीय संघाने कांस्य पदक मिळविताना टोकियो ऑलिम्पिकच्या कामगिरीची बरोबरी केल्याने समाधान मिळाल्याचे भारतीय हॉकी संघाचा कर्णधार हरमनप्रीत सिंगने सांगितले.

३३ व्या पॅरिस ऑलिम्पिकच्या उपांत्य फेरीच्या लढतीमध्ये भरातीय संघाला जर्मनीकडून ३-२ असे पराभूत व्हावे लागले होते. त्यामुळे भारताने अंतिम फेरीत पोहचण्याची संधी गमावली. मात्र, जर्मनीविरुद्धच्या लढतीत पराभव झाल्याने भारताला कांस्य पदकावर समाधान मानावे लागले होते. टोकियो ऑलिम्पिकमध्ये भारताने कांस्य कामगिरी केली होती.

ओडिशा सरकारच्या वतीने आयोजित करण्यात आलेल्या एका औपचारिक कार्यक्रमात व्हिडियोद्वारे भारताचा हॉकी कर्णधार हरामनप्रीत सिंग यांनी संवाद साधला. ओडिशाचे मुख्यमंत्री मोहन चरण माळी यांच्या उपस्थितीत या कार्यक्रमाचे आयोजन करण्यात आले होते. यावेळी भारतीय हॉकी खेळाडूंचा सन्मान ओडिशा सरकारकडून करण्यात आला.

पुढे बोलताना हरामनप्रीत म्हणाला, जर्मनी विरुद्धचा सामना आमच्यासाठी महत्वाचा होता. पराभूत झाल्यानंतर आम्हाला कांस्य पदकासाठी खेळायचे होते. हा आमचा स्पर्धेतील शेवटचा सामना होता. हा सामना जिंकल्यानंतर आम्हाला आनंद वाटत होता, मात्र जर्मनीने आमचे स्वप्न (सुवर्णपदक) हिरवल्याचे दुःख देखील वाटत असल्याचे त्याने सांगितले.

ओडिशा सरकारचे आभार

ओडिशा सरकारने भारतीय हॉकी संघाचे प्रायॊजकत्व स्वीकारले आहे. यासाठी हरमनप्रीतने ओडिशा सरकारचे आभार मानले. ओडिशातून हॉकीला मिळणाऱ्या प्रतिसादासाठी देखील त्याने सर्वाचे आभार मानले. एखाद्या स्पर्धेसाठी येथे येतो तेव्हा निश्चित आनंद मिळतो असे म्हणताना त्याने ओडिशा सरकारच्या वतीने बांधण्यात आलेल्या हॉकी मैदानाचे देखील कौतुक केले.

Paris Paralympics 2024 : भारतीय संघाचे सर्वोत्तम कामगिरीकडे लक्ष; सुमित अंतिलच्या नेतृत्वाखाली पहिली तुकडी पॅरिसला रवाना…

हॉकीसाठी ओडिशा सरकारचा पुढाकार

गेल्या काही वर्षांपासून ओडिशा सरकारने हॉकी संघाचे प्रायोजकत्व स्वीकारले आहे. त्यामुळे ओडिशा हे हॉकीचे केंद्र म्हणून नावारूपास येत आहे. यामध्ये पुरुष आणि महिला संघाच्या अनेक स्पर्धा घेण्यात येत आहेत. ओडिशातील नागरिक देखील तिकीट काढून देशांतर्गत स्पर्धा पाहण्यासाठी मैदानात उपस्थित राहत आहेत. विश्वचषक, आशियाई स्पर्धा प्रो लीग अशा मोठ्या स्पर्धाच्या नियोजनात ओडिशा सरकार पुढाकार घेत आहेत.