Eight athletes were shortlisted for Padma Shri : भारताचा दिग्गज टेनिसपटू रोहन बोपण्णा आणि स्क्वॉशपटू जोश्ना चिनप्पा यांची 2024 च्या पद्म पुरस्कारांसाठी निवड करण्यात आली आहे. त्यांना पद्मश्री पुरस्काराने सन्मानित करण्यात येणार आहे. पद्मश्री हा भारतरत्न, पद्मविभूषण आणि पद्मभूषण नंतरचा भारतातील चौथा सर्वोच्च नागरी पुरस्कार आहे. हे व्यक्तींना त्यांच्या कोणत्याही क्षेत्रातील विशिष्ट सेवेसाठी दिले जाते.

गृह मंत्रालयाने 2024 सालची यादी जाहीर केली असून त्यात 5 पद्मविभूषण, 17 पद्मभूषण आणि 110 पद्मश्री पुरस्कारांचा समावेश आहे. टेनिसपटू रोहन बोपण्णासह हरविंदर सिंग (हॉकी, प्रशिक्षक), पूर्णिमा महतो (तिरंदाजी, माजी खेळाडू), सतेंद्र सिंग लोहिया (जलतरण, खेळाडू), गौरव खन्ना (बॅडमिंटन, प्रशिक्षक), उदय विश्वनाथ देशपांडे (मलखांब, प्रशिक्षक), जोश्ना चिनप्पा (स्क्वॉश खेळाडू) यांनाही या पुरस्काराने गौरविण्यात येणार आहे. या वर्षाच्या अखेरीस मार्च-एप्रिलमध्ये राष्ट्रपती भवनात होणाऱ्या समारंभात राष्ट्रपतींच्या हस्ते पुरस्कार प्रदान केले जातील.

Padma Awards 2024 announced

🔹For the year 2024, the President has approved conferment of 132 #PadmaAwards including 2 duo cases (in a duo case, the Award is counted as one)

The list comprises-
➡️5 Padma Vibhushan
➡️17 Padma Bhushan and
➡️110 Padma Shri Awards

Read here:…

— PIB India (@PIB_India) January 26, 2024

या खेळाडूंना मिळेल सन्मान…

रोहन बोपण्णा- टेनिस
जोश्ना चिनप्पा- स्क्वॅश
उदय विष्णनाथ देशपांडे- मलखांब
गौरव खन्ना- पॅरा बॅडमिंटन
सतेंद्रसिंग लोहिया- पोहणे
पूर्णिमा महतो- धनुर्विद्या
हरविंदर सिंग- हॉकी

रोहन बोपण्णा : – बोपण्णाने नुकताच इतिहास रचला. भारताचा अव्वल टेनिसपटू रोहन बोपण्णा भारताकडून ऑस्ट्रेलियन ओपन 2024 स्पर्धेत ऐतिहासिक कामगिरी नोंदवण्यासाठी सज्ज बनला आहे. या ग्रॅंडस्लॅम टेनिस स्पर्धेच्या उपांत्य फेरीत त्याने ऑस्ट्रेलियाच्या मॅथ्यु एब्डेनसह पुरुष दुहेरीत खेळताना थाटात अंतिम फेरी गाठली आहे. 43 वर्षीय रोहन बोपण्णा आता पहिले ग्रँड स्लॅम जिंकण्यापासून फक्त एक पाऊल दूर आहे. अशी कामगिरी करणारा बोपण्णा भारताचा पहिलाच वरिष्ठ पुरुष टेनिसपटू ठरला आहे. याचबरोबर त्याने जागतिक टेनिसमध्ये क्रमवारीतही अव्वलस्थान प्राप्त केले आहे. त्याने ही कामगिरी वयाच्या 43 व्या वर्षी केली आहे. तसेच याव्यतिरिक्त, बोपण्णाने त्याची मिश्र दुहेरी जोडीदार रुतुजा भोसलेसह आशियाई क्रीडा स्पर्धेत सुवर्णपदक जिंकले होते. त्याने 2017 मध्ये फ्रेंच ओपनमध्ये कॅनेडियन जोडीदार गॅब्रिएला डब्रोव्स्कीसह मिश्र दुहेरीचे विजेतेपद जिंकले. फ्रेंच ओपनमध्ये पुरुष दुहेरीत बोपण्णाची सर्वोत्तम कामगिरी 2022 मध्ये होती, जेव्हा त्याने उपांत्य फेरी गाठली होती. त्याने 2013, 2015 आणि 2023 मध्ये विम्बल्डनच्या उपांत्य फेरीपर्यंत मजल मारली आहे.

जोश्ना चिनप्पा : जोश्ना चिनप्पाबद्दल सांगायचे तर तिने आशियाई क्रीडा स्पर्धेत कांस्यपदक जिंकले होते. आशियाई क्रीडा स्पर्धेतील हे त्याचे 5वे पदक ठरले. याशिवाय 2018 च्या जकार्ता गेम्समध्ये तिने महिला एकेरीत पहिले कांस्यपदक जिंकले. दीपिका पल्लीकलसह, चिनप्पाने 2022 च्या जागतिक दुहेरी स्पर्धेत सुवर्णपदक जिंकले.

हरबिंदर सिंग हे टोकियो 1964 ऑलिम्पिकमध्ये भारताच्या सुवर्णपदक विजेत्या हॉकी संघाचे भाग होते, तर उदय देशपांडे हे मुंबईचे मल्लखांब शिक्षक आणि अभ्यासक आहेत. पूर्णिमा महातो, आता सर्वोच्च प्रशिक्षक आणि माजी तिरंदाज आहेत. त्यांनी 1998 च्या राष्ट्रकुल क्रीडा स्पर्धेत रौप्य पदक जिंकले. गौरव खन्ना पॅरा बॅडमिंटन प्रशिक्षक आहेत तर सतेंद्र सिंग लोहिया पॅरा स्विमर आहेत.

ICC Awards 2023 : कोहलीपासून ते कमिन्सपर्यंत, ‘आयसीसी अ‍ॅवार्ड्स’मध्ये अनेक दिग्गजांनी मारली बाजी; येथे पहा संपूर्ण यादी…

पद्मश्री का दिला जातो?

सामाजिक कार्य, क्रीडा, विज्ञान, व्यवसाय, उद्योग, वैद्यकीय, क्रीडा, सार्वजनिक सेवा आणि विविध क्षेत्रात महत्त्वपूर्ण योगदान देणाऱ्या व्यक्तींना भारत सरकारकडून हा पुरस्कार दिला जातो. हा सन्मान दरवर्षी दिला जातो. त्यात रोख रक्कम नसून प्रमाणपत्र आणि पदक आहे.