पुण्यतिथी निमित्त उघडली ‘स्वातंत्र्यवीर सावरकरांची’ फर्गसन कॉलेजमधील खोली 

पुणे -स्वातंत्र्यवीर विनायक दामोदर सावरकर यांची फर्गसन महाविद्यालयातील खोली बुधवारी सर्वांसाठी खुली करण्यात आली आहे, अशी माहिती फर्गसन महाविद्यालयाकडून देण्यात आली.

स्वातंत्र्यवीर विनायक दामोदर सावरकर हे सन 1902 ते 1905 या कालावधीत फर्गसन महाविद्यालयाच्या वसतीगृह क्रमांक 1 मधील 17 व्या क्रमांकाच्या खोलीमध्ये राहत होते. येथे सावरकरांच्या मूर्तीची स्थापना केली आहे.

बुधवारी सकाळी 9 ते सायंकाळी 6 या कालावधीत खोली खुली ठेवण्यात येणार आहे. सकाळी डेक्कन एज्युकेशन सोसायटीच्या नियामक मंडळाचे अध्यक्ष डॉ. शरद कुंटे यांच्या हस्ते सावरकरांच्या प्रतिमेस पुष्पहार अर्पण करण्यात येणार आहे, असे महाविद्यालयाने सांगितले.