पुणे – १ जानेवारी २०२५ रोजी कोरेगाव भीमा येथे विजयस्तंभ दिनासाठी मोठ्या प्रमाणावर अनुयायांची गर्दी सोहळ्याच्या ठिकाणी होणार आहे. या पार्श्वभूमीवर येथे कोणताही अनुचित प्रकार घडू नये, यासाठी पुणे शहर पोलिसांसह पुणे ग्रामीण पोलिसांचा फौजफाटा तैनात करण्यात आला आहे. सुरक्षेच्या कारवास्तावर पोलिसांकडून खबरदारी घेण्यात आली आहे. गर्दीचे नियोजन करण्यासाठी ग्रामीण पोलिसांकडून ४ हजार ८०० पोलीस कर्मचारी बंदोबस्तात तैनात करण्यात येणार आहे.

२०१८ मध्ये येथे मोठ्या प्रमाणावर दंगल उसळल्याची घटना घडली होती. यामुळे तेव्हापासून येथे दरवर्षी पोलिसांचा मोठा फौजफाटा तैनात करण्या येतो. तसेच गर्दीचे नियोजन करण्याच्या द्दष्टाने बंदोबस्ताची आखणी करून खबरदारी घेण्यात येते. पुणे ग्रामीण पोलीस अधीक्षक पंकज देशमुख यांनी याबाबतची माहिती दिली. तसेच गर्दीवर नियंत्रण ठेवण्यासाठी विशेष पथक तयार करण्यात येणार असल्याची माहिती देखील देण्यात आली असून घातपाती विरोधी पथके असणार आहेत.

असा आहे बंदोबस्त 

या ठिकाणी ३३६ पोलीस अधिकारी, ३ हजार ८० पोलीस कर्मचारी, गृहरक्षक दलाचे दीड हजार जवान, राज्य राखीव पोलीस दलाच्या १२ तुकड्या तैनात करण्यात येणार आहे. तसेच अग्नीशमन दलाचे जवान देखील तैनात असणार आहेत. आत्पकालीन परिस्थिसाठी वैद्यकीय सुविधा देण्यात येणार आहे. चाकण रस्त्यावरील २३ एकर मोकळ्या जागेवार वाहने पार्किंग करण्याची व्यवस्था करण्यात आली आहे. या ठिकाणाहून अनुयायांना विजयस्तंभापर्यंत पोहोचण्यासाठी तसेच परतण्यासाठी बस उपलब्ध करुन देण्यात आल्या आहेत.