Nitin Gadkari : पेट्रोल-डिझेलवर चालणाऱ्या वाहनांच्या भवितव्याबाबत पुन्हा एकदा चर्चा रंगल्या आहेत. केंद्रीय रस्ते वाहतूक आणि महामार्ग मंत्री नितीन गडकरी यांच्या अलीकडील विधानानंतर “पेट्रोल-डिझेल गाड्या बंद होणार का?” असा प्रश्न उपस्थित केला जात आहे. (Nitin Gadkari)

एका कार्यक्रमात बोलताना गडकरी यांनी पेट्रोल-डिझेलवर आधारित वाहनांचे भविष्य मर्यादित असल्याचे सूचित केले. पर्यावरणीय परिणाम आणि इंधन आयातीवरील अवलंबित्व लक्षात घेता पर्यायी इंधनाकडे वळणे गरजेचे असल्याचे त्यांनी स्पष्ट केले. (Nitin Gadkari)

यासाठी ऑटोमोबाईल उद्योगाने बायोफ्युएल, सीएनजी आणि एलएनजीसारख्या स्वच्छ इंधनावर चालणाऱ्या वाहनांच्या निर्मितीला प्राधान्य द्यावे, असे आवाहनही त्यांनी केले. या बदलामुळे सार्वजनिक वाहतूक व्यवस्था अधिक शाश्वत आणि कार्यक्षम होऊ शकते, असे मत त्यांनी व्यक्त केले. (Nitin Gadkari)

दरम्यान, सरकारकडून हायड्रोजन इंधनावर आधारित वाहनांसाठी प्रायोगिक प्रकल्पही राबवले जात आहेत.टाटा मोटर्स, व्होल्वो, अशोक लेलँड आणि महिंद्रा अँड महिंद्रा यांसारख्या कंपन्या हायड्रोजन तंत्रज्ञानाच्या चाचण्यांमध्ये सहभागी झाल्या आहेत. सध्या देशातील सुमारे १० मार्गांवर हायड्रोजनवर चालणाऱ्या बस आणि ट्रकची चाचणी सुरू असल्याचेही त्यांनी सांगितले. (Nitin Gadkari)

हायड्रोजन हे भविष्यातील इंधन असल्याचे सांगताना गडकरी यांनी फ्लेक्स-फ्युएल आणि इथेनॉललाही महत्त्व दिले. भारताकडे विविध कच्च्या मालापासून इथेनॉल तयार करण्याची क्षमता असून, उद्योगक्षेत्र फ्लेक्स-फ्युएल इंजिन विकसित करण्यावर काम करत असल्याचे त्यांनी नमूद केले. (Nitin Gadkari)

मात्र, सध्या तरी पेट्रोल-डिझेल वाहनांवर तत्काळ बंदी येण्याचा कोणताही अधिकृत निर्णय झालेला नाही. भविष्यात टप्प्याटप्प्याने स्वच्छ आणि पर्यायी इंधनाकडे संक्रमण होणार असल्याचे संकेत या विधानातून मिळत आहेत. (Nitin Gadkari)