बंगळुरू – येथील मध्यवर्ती कारागृहातील कैद्यांच्या कट्टरपंथीयतेच्या संदर्भात राष्ट्रीय तपास संस्थेने (एनआयए) मंगळवारी ७ राज्यांतील १७ ठिकाणी छापे टाकले.

यासंबंधीच्या माहितीनीुसार, बंगळुरू शहर पोलिसांनी गेल्या वर्षी जुलैमध्ये ७ पिस्तूल, ४ हातबॉम्ब, एक मॅगझिन आणि ४५ थेट राउंड आणि चार वॉकी-टॉकीसह शस्त्रे आणि दारूगोळा जप्त केल्यानंतर गुन्हा दाखल केला होता.

या प्रकरणी यापूर्वी ५ जणांना अटक करण्यात आली होती. लष्कर-ए-तैयबाचा ऑपरेटर आणि नेता टी नासिर याने त्यांना बंगळुरू तुरुंगात कट्टरपंथी बनवले होते. त्यांच्या चौकशीनंतर आणखी एकाला अटक केल्याने एकूण अटकेची संख्या ६ झाली आहे.

जुनैद अहमद हा देखील या प्रकरणातील आरोपी असून तो फरार आहे. एनआयएने गेल्या वर्षी ऑक्टोबरमध्ये या प्रकरणाचा तपास सुरू केला होता. त्यानंतर जुनैद अहमदच्या घरासह अनेक ठिकाणी झडती घेण्यात आली.