RBI MPC meeting : अर्थतज्ज्ञ आणि ट्रेझरी प्रमुखांच्या सर्वेक्षणानुसार, भारतीय रिझर्व्ह बँक (आरबीआय) 5 जूनच्या पतधोरण आढाव्यात बेंचमार्क रेपो दर अपरिवर्तित ठेवण्याची शक्यता आहे. वाढत्या महागाईमुळे, बहुतेक प्रतिसादकर्त्यांना अपेक्षा आहे की बँक आर्थिक वर्ष 2027 च्या उत्तरार्धात धोरण कडक करणे पुन्हा सुरू करेल.

11 जणांना अपेक्षा आहे की पतधोरण समिती (एमपीसी) शुक्रवारी जाहीर होणार्‍या आगामी धोरणात दरांमध्ये यथास्थिती कायम ठेवेल, तर चार जणांनी 0.25 टक्के दरवाढीचा अंदाज वर्तवला आहे.

महागाई सध्या 4 टक्क्यांच्या लक्ष्यापेक्षा कमी असल्याने दरवाढ थांबली आहे. आता इंधन दरवाढीमुळे महागाई वाढणार आहे असे आयडीएफसी फर्स्ट बँकेच्या अर्थतज्ज्ञ गौरा सेनगुप्ता यांनी सांगितले. जूनमध्ये दरवाढ टळण्याची अपेक्षा असूनही, आर्थिक वर्ष 2027 मध्ये दरात वाढ होण्याची शक्यता आहे. बहुतेक सहभागींना आर्थिक वर्षात किमान दोनदा दरवाढ होण्याची अपेक्षा आहे, तर काहींच्या मते महागाईचा दबाव वाढल्यास दोनपेक्षा जास्त वेळा दरवाढ होऊ शकते.

काही आशियाई बँकांनी आधीच दरवाढ केली आहे. जर वस्तूंच्या किमती आणि रुपयावरील दबाव कायम राहिला, तर आर्थिक वर्ष 2027 च्या दरवाढीच्या अंदाजात 0.25-0.50 टक्क्यांच्या वाढीची शक्यता आहे. असे स्टँडर्ड चार्टर्ड बँक, इंडियाच्या इंडिया इकॉनॉमिक रिसर्च विभागाच्या प्रमुख अनुभूती सहाय यांनी सांगितले.

आरबीआय आपल्या महागाईच्या अंदाजात वाढ करण्याची शक्यता आहे. देशांतर्गत पेट्रोल आणि डिझेलच्या दरात झालेल्या वाढीमुळे,आर्थिक वर्ष 2027 मधील किरकोळ महागाई 4.9-5.5 टक्क्यांपर्यंत वाढण्याची अपेक्षा आहे.

इक्राच्या अर्थतज्ज्ञ अदिती नायर म्हणाल्या की, इंधनाच्या वाढलेल्या किमतींचा परिणाम ग्राहक किमतींवर होऊ लागल्याने जूनमध्ये महागाई सुमारे 5 टक्क्यांपर्यंत वाढू शकते, तथापि याचे दुसर्‍या टप्प्यातील परिणाम किती होतील हे अनिश्चित आहे.