Sunetra Pawar : राष्ट्रवादी काँग्रेस पक्षात पुन्हा एकदा अंतर्गत वादाची चर्चा सुरू झाली आहे. उपमुख्यमंत्री सुनेत्रा पवार यांच्या राष्ट्रीय अध्यक्षपदी झालेल्या निवडीवर पक्षातीलच ज्येष्ठ नेते आणि राष्ट्रीय सचिव सच्चिदानंद सिंह यांनी आक्षेप घेत कायदेशीर नोटीस पाठवली आहे. (Sunetra Pawar)

माहितीनुसार, ९ जुलै रोजी पाठवलेल्या नोटिशीत २६ फेब्रुवारी रोजी झालेली राष्ट्रीय अध्यक्षपदाची निवड प्रक्रिया अवैध असल्याचा दावा करण्यात आला आहे. तसेच ती निवड रद्द करून स्वतंत्र आणि निष्पक्ष निवडणूक अधिकाऱ्याच्या देखरेखीखाली पुन्हा निवडणूक घेण्याची मागणी करण्यात आली आहे. (Sunetra Pawar)

ही नोटीस सुनेत्रा पवार, पक्षाचे कार्यकारी अध्यक्ष प्रफुल पटेल आणि पक्षाचे सचिव ब्रिजमोहन श्रीवास्तव यांना पाठवण्यात आली आहे. नोटिशीत नवीन पदाधिकाऱ्यांची यादीही फेरनिवडणूक होईपर्यंत ग्राह्य धरू नये, अशी मागणी करण्यात आली आहे. (Sunetra Pawar)

 

राष्ट्रवादी काँग्रेसमध्ये २०२३ मधील फुटीनंतर अजित पवार राष्ट्रीय अध्यक्ष झाले होते. त्यांच्या निधनानंतर पक्षाच्या बैठकीत प्रफुल पटेल यांनी सुनेत्रा पवार यांच्या नावाची घोषणा केली होती आणि त्याला उपस्थित सदस्यांनी मान्यता दिल्याचे सांगण्यात आले होते.

मात्र, आता पक्षातीलच ज्येष्ठ नेत्याने या प्रक्रियेवर आक्षेप घेतल्याने राष्ट्रवादी काँग्रेसमध्ये नव्या राजकीय चर्चांना उधाण आले आहे. (Sunetra Pawar)

Sunetra Pawar : “प्रशासनाने नैसर्गिक आपत्तीमध्ये नागरिकांना तातडीने आवश्यक ती सर्व मदत करावी” – उपमुख्यमंत्री सुनेत्रा पवार

Sunetra Pawar : राष्ट्रवादीचा ‘हा’ नेता सोडणार पक्षाची साथ? सुनेत्रा पवारांना बसणार मोठा धक्का