Jambut News : शिरूर तालुक्यासह बेट भागातील अनेक गावांमध्ये मतदार यादीच्या विशेष संक्षिप्त पुनरीक्षण (SIR-2026) मोहिमेला वेग आला आहे. ग्रामपंचायत कार्यालय तसेच ग्राममहसूल अधिकारी कार्यालयामार्फत ही मोहीम राबविण्यात येत असून, नागरिकांनी वेळेत फॉर्म भरून मतदार यादीतील आपले नाव सुरक्षित ठेवावे, असे आवाहन प्रशासनाने केले आहे. (Jambut News)

प्रशासनाच्या माहितीनुसार, SIR-2026 अंतर्गत आवश्यक फॉर्म भरून जमा न केल्यास मतदार यादीतून नाव वगळले जाण्याची किंवा चुकीची नोंद राहण्याची शक्यता आहे. अशा परिस्थितीत संबंधित नागरिकांना आगामी निवडणुकांमध्ये मतदानाचा हक्क बजावता येणार नाही. (Jambut News)

त्यामुळे मतदारांनी आपल्या बूथस्तरीय अधिकारी (BLO) यांच्याकडे आवश्यक कागदपत्रांसह फॉर्म तातडीने जमा करावा. तसेच मतदार यादीतील नाव, पत्ता किंवा इतर माहितीतील त्रुटी दुरुस्त करण्यासाठीही या मोहिमेचा लाभ घ्यावा. यासाठी आधार कार्ड, छायाचित्र आणि इतर आवश्यक कागदपत्रे सादर करणे आवश्यक असल्याचे प्रशासनाने स्पष्ट केले आहे. (Jambut News)

या विशेष पुनरीक्षण मोहिमेसाठी ग्राममहसूल अधिकारी सुग्रीव मुंढे आणि आशिष भागवत यांचे मार्गदर्शन लाभत आहे. तसेच ग्रामपंचायत कर्मचारी अनिल गायकवाड, सारिका वरे, नितीन कोकाटे, शेखर बोऱ्हाडे, प्रकाश बोऱ्हाडे, माया खैरे, सुवर्णा थोरात यांच्यासह ग्रामपंचायत कर्मचारी आणि अंगणवाडी सेविकांचेही सहकार्य लाभत आहे. (Jambut News)

प्रशासनाने सर्व पात्र मतदारांना विलंब न करता SIR-2026 अंतर्गत फॉर्म भरून आपला मतदानाचा हक्क सुरक्षित ठेवण्याचे आवाहन केले आहे. (Jambut News)