सलग दुस-यांदा जिंकला सईद मुश्ताक अली टी-२० चषक

सूरत : कर्णधार मनीष पांडेची नाबाद अर्धशतकी खेळी आणि फिरकीपटू गौतमने अखेरच्या षटकात केलेल्या अचूक गोलंदाजीच्या जोरावर कर्नाटकने अंतिम सामन्यात तामिळनाडूचा ०१ धावेने पराभव करत सलग दुस-यांदा सईद मुश्ताक अली टी-२० क्रिकेट स्पर्धेचे विजेतेपद पटाकावले.

विजयासाठी १८१ धावांचा पाठलाग करताना तामिळनाडूचा संघ २० षटकांत ६ बाद १७९ धावसंख्येपर्यतच मजल मारू शकला. तामिळनाडू संघास अखेरच्या षटकात १३ धावांची आवश्यकता होती. रविचंद्रन अश्विनने गौतमच्या पहिल्या २ चेंडूवर चौकार लगावले. त्यानंतर ४ चेंडूत ५ धावांची गरज असताना गौतमने केवळ ३ धावा दिल्या. या दरम्यान पाचव्या चेंडूवर विजय शंकर धावबाद झाला. शेवटच्या चेंडूवर ३ धावांची गरज असताना केवल बायच्या स्वरूपात १ च धाव मिळाल्याने तामिळनाडूला पराभव स्विकारावा लागला.

तामिळनाडूकडून फलंदाजीत विजय शंकरने सर्वाधिक ४४ तर बाबा अपराजितने ४० धावांची खेळी केली.

A match worthy of a final! 🙌

With 13 needed off 6 balls, @ashwinravi99 began the over with back-to-back boundaries for Tamil Nadu! 🔥

However, Gowtham fought back as Karnataka won the thriller by 1 run! 👏#MushtaqAliT20 #KARvTN #ThisIsNewDelhi #DelhiCapitals

— Delhi Capitals (@DelhiCapitals) December 1, 2019

तत्पूर्वी, तामिळनाडूने नाणेफेक जिंकत क्षेत्ररक्षण स्विकारत कर्नाटकला प्रथम फलंदाजीस पाचारण केले. प्रथम फलंदाजी करताना कर्नाटकने २० षटकांत ५ बाद १८० अशी मजल मारली. कर्नाटककडून मनीष पांडेने ४५ चेंडूत सर्वाधिक ६० धावा केल्या तर रोहन कदमने ३५, देवदत्त पड्डिकलने ३२ आणि करूण नायरने ८ चेंडूत १७ धावा केल्या.

Karnataka posted on 180 for 5 in 20 overs against Tamil Nadu in the Mushtaq Ali final.

Manish Pandey: 60*(45)
Ravichandran Ashwin: 4-0-34-2
Murugan Ashwin: 3-0-33-2#MushtaqAliT20 #PattaiyaKelappu

— ChepaukSuperGillies (@supergillies) December 1, 2019

तामिळनाडूकडून गोलंदाजीत रवीचंद्रन अश्विनने ४ षटकांत ३४ धावा देत २ गडी बाद केले तर मुर्गन अश्विनने ३ षटकांत ३३ धावा देत २ गडी बाद केले.