Mulshi News – पौड-अंबडवेट जिल्हा परिषद गट व संबंधित पंचायत समिती गणांच्या निवडणुकीत राष्ट्रवादी काँग्रेस पक्षाने जोरदार मुसंडी मारत आपले वर्चस्व प्रस्थापित केले आहे. पारंपरिकरित्या शिवसेना (उद्धव बाळासाहेब ठाकरे) पक्षाचा प्रभाव मानल्या जाणार्या या गटात यंदा मतदारांनी परिवर्तनाचा कौल दिल्याचे निकालातून स्पष्ट झाले.जिल्हा परिषद गटातून मिलिंद नंदकुमार (बाबूजी) वाळंज (राष्ट्रवादी काँग्रेस) यांनी 17,959 मते मिळवत 5,297 मतांच्या फरकाने दणदणीत विजय मिळवला. त्यांचे प्रतिस्पर्धी अविनाश लक्ष्मण उर्फ नानासाहेब बलकवडे (शिवसेना उबाठा) यांना 12,662 मते मिळाली. इतर उमेदवारांमध्ये ज्ञानेश्वर भागू आखाडे (राष्ट्रवादी शरद पवार) 1,206; भाऊ बाबू आखाडे (शिवसेना) 997, विनायक नाथा ठोंबरे (भाजप) 986, रमेश दामोदर पानसरे (काँग्रेस) 286 मते मिळाली. नोटा 337 मते पडली. एकूण 34,413 मतदान झाले.पंचायत समितीच्या पौड गणात काजल अंकुश मोरे (राष्ट्रवादी काँग्रेस) यांनी 6,147 मते मिळवत 2,145 मतांनी विजय संपादन केला. राष्ट्रवादी काँग्रेस स्वाती संपत ढमाले (शिवसेना उबाठा) यांना 3,748; पल्लवी अमित कंधारे (भाजप) 3,218; कोमल गणेश वाशिवले 4,002; स्वाती दत्ता वाशिवले (शिवसेना) 500, कविता दातीर (काँग्रेस) 250 मते मिळाली. नोटा 228 मते पडली. एकूण मतदान 18,093 झाले.अंबडवेट गणात प्रवीण अंकुश धनवे (राष्ट्रवादी काँग्रेस) यांनी 8,547 मते मिळवत 1,776 मतांनी विजय मिळवला. सचिन आनंद खैरे (शिवसेना उबठा) यांना 6,771, किसन नागरे (शिवसेना) 571, नवनाथ पालकर (राष्ट्रवादी शरद पवार गट) 211 मते मिळाली. नोटा 221 मते पडली. एकूण मतदान 16,321 झाले.या निकालामुळे शिवसेना (उबाठा) पक्षाचा समजला जाणारा बालेकिल्ला ढासळल्याची चर्चा राजकीय वर्तुळात रंगली आहे. जिल्हा परिषदेसह दोन्ही पंचायत समिती गणांवर राष्ट्रवादी काँग्रेसने मिळवलेले वर्चस्व आगामी स्थानिक राजकारणाच्या दृष्टीने महत्त्वाचे मानले जात आहे. पंचायत समितीवर अंकुश पौड-अंबडवेट गटात यंदा नव्या चेहर्यांना संधी मिळाली. जिल्हा परिषदेसाठी मिलिंद वाळंज, तर पंचायत समितीसाठी काजल अंकुश मोरे व प्रवीण अंकुश धनवे हे तरुण नेतृत्व विजयी झाले. विशेष म्हणजे दोघांच्याही वडिलांचे नाव ‘अंकुश’ असल्याने पंचायत समितीवर ते प्रभावी ‘अंकुश’ ठेवतील, अशी मिश्किल चर्चा कार्यकर्त्यांत रंगली.
