How much MS Dhoni Pension : भारतीय क्रिकेट संघाचा सर्वात यशस्वी कर्णधार आणि दोन वेळा विश्वचषक जिंकून देणारा महेंद्र सिंग धोनी आंतरराष्ट्रीय क्रिकेटमधून निवृत्त झाला असला, तरी बीसीसीआयशी नाते आजही कायम आहे. मैदानावर कोट्यवधींची कमाई करणाऱ्या धोनीला बीसीसीआयच्या पेन्शन प्रणालीनुसार दरमहा एक ठराविक रक्कम आर्थिक सुरक्षा म्हणून दिली जाते. धोनीला दरमहा ७० हजार रुपये पेन्शन – मिळालेल्या माहितीनुसार, महेंद्र सिंग धोनीला बीसीसीआय दरमहा ७० हजार रुपये पेन्शन देते. धोनीने भारतासाठी ९० कसोटी, ३५० एकदिवसीय आणि ९८ टी-२० सामने खेळले आहेत. या कामगिरीच्या जोरावर तो माजी कसोटी क्रिकेटपटूंच्या सर्वोच्च श्रेणीमध्ये येतो. बीसीसीआयने काही महिन्यांपूर्वीच पेन्शनच्या रकमेत वाढ केली असून, या श्रेणीतील पेन्शन ५० हजारांवरून ७० हजार रुपये करण्यात आली आहे. सचिन, गावस्कर आणि द्रविडही याच रांगेत – केवळ धोनीच नाही, तर मास्टर ब्लास्टर सचिन तेंडुलकर, सुनील गावस्कर आणि राहुल द्रविड यांसारख्या दिग्गज खेळाडूंनाही ७० हजार रुपये पेन्शन मिळते. याशिवाय, युवराज सिंगला दरमहा ६० हजार रुपये आणि विनोद कांबळीला ३० हजार रुपये पेन्शन दिली जाते. आपल्या माजी खेळाडूंनी निवृत्तीनंतर सन्मानाने आयुष्य जगावे, यासाठी बीसीसीआय ही आर्थिक मदत करत असते. हेही वाचा – Sai Sudharsan Injury : IPL 2026 पूर्वी गुजरात टायटन्सला मोठा धक्का! स्टार खेळाडूला झाली गंभीर दुखापत १२०० कोटींची संपत्ती आणि यशस्वी उद्योजक – धोनीची एकूण संपत्ती पाहता ही पेन्शनची रक्कम त्याच्यासाठी नाममात्र असली, तरी बीसीसीआयच्या सन्मानाचे ते प्रतीक आहे. धोनीची एकूण संपत्ती सुमारे १२०० कोटी रुपये आहे. आजही तो आयपीएलमध्ये सक्रिय असून त्यातून मोठी कमाई करतो. याव्यतिरिक्त: ब्रँड एंडोर्समेंट: अनेक मोठ्या कंपन्यांचा तो ब्रँड ॲम्बेसेडर आहे. व्यवसायिक गुंतवणूक: विविध स्टार्टअप्स आणि जिम साखळीमध्ये त्याची मोठी गुंतवणूक आहे. सेंद्रिय शेती (Organic Farming): निवृत्तीनंतर धोनी रांचीमध्ये मोठ्या प्रमाणावर सेंद्रिय शेती करत असून त्यातूनही त्याला चांगले उत्पन्न मिळते. हेही वाचा – Zimbabwe Squad : टी-२० विश्वचषकासाठी झिम्बाब्वेचा संघ जाहीर! टीमला बळकटी देण्यासाठी ‘या’ खेळाडूंचं कमबॅक मैदानाबाहेरही ‘धोनी’ ब्रँडची जादू – धोनीचा प्रवास केवळ मैदानापुरता मर्यादित नसून तो एक यशस्वी उद्योजक म्हणूनही नावारूपास आला आहे. शिस्त, नेतृत्व आणि दूरदृष्टीच्या जोरावर त्याने खेळानंतरच्या आयुष्यातही मोठे यश संपादन केले आहे. मैदानावर देशाला ऐतिहासिक विजय मिळवून देणारा धोनी आता नव्या पिढीतील खेळाडूंसाठी गुंतवणुकीच्या आणि व्यवसायाच्या बाबतीतही एक आदर्श ठरत आहे.
