Zimbabwe Squad Announce for T20 World Cup 2026 : आयसीसी टी-२० विश्वचषक २०२६ सुरू होण्यासाठी आता अवघे ३५ दिवस उरले आहेत. ७ फेब्रुवारी ते ८ मार्च या कालावधीत भारत आणि श्रीलंका यांच्या संयुक्त यजमानपदाखाली ही स्पर्धा रंगणार आहे. या स्पर्धेसाठी झिम्बाब्वे आपला १५ सदस्यीय संघ जाहीर केला असून, अनुभवी अष्टपैलू सिकंदर रझा याच्याकडे संघाची धुरा सोपवण्यात आली आहे. अनुभवी खेळाडूंचे पुनरागमन – झिम्बाब्वेच्या या संघात अनुभवाला प्राधान्य देण्यात आले आहे. विशेष म्हणजे, दिग्गज फिरकीपटू ग्रीम क्रेमर आणि अनुभवी यष्टिरक्षक-फलंदाज ब्रेंडन टेलर यांचे संघात पुनरागमन झाले आहे. टेलरच्या अनुभवामुळे मधल्या फळीला मजबुती मिळणार आहे, तर क्रेमर फिरकी विभागाचे नेतृत्व करेल. दुखापतीतून सावरलेला वेगवान गोलंदाज ब्लेसिंग मुझारबानी देखील संघात परतला असून त्याच्या समावेशामुळे झिम्बाब्वेची गोलंदाजी अधिक धारदार झाली आहे. गोलंदाजी आणि फलंदाजीचे संतुलन – वेगवान गोलंदाजी: ब्लेसिंग मुझारबानी आणि रिचर्ड नगारवा हे जोडीने वेगवान माऱ्याचे नेतृत्व करतील. त्यांना ब्रॅडली इव्हान्स आणि टिनोटेंडा मापोसा यांची साथ मिळेल. फिरकी विभाग: ग्रीम क्रेमर आणि वेलिंग्टन मसाकाद्झा या जोडीवर फिरकीची जबाबदारी असेल. फलंदाजी: युवा फलंदाज ब्रायन बेनेट आणि तदीवानाशे मारुमनी यांच्यावर सर्वांच्या नजरा असतील, तर रयान बर्ल आपल्या पॉवर हिटिंगने फिनिशरची भूमिका बजावेल. हेही वाचा – Sai Sudharsan Injury : IPL 2026 पूर्वी गुजरात टायटन्सला मोठा धक्का! स्टार खेळाडूला झाली गंभीर दुखापत ऑस्ट्रेलिया आणि यजमान श्रीलंकेचे आव्हान – विश्वचषकासाठी झिम्बाब्वेचा समावेश ग्रुप ‘B’ मध्ये करण्यात आला आहे. या गटात त्यांच्यासमोर ऑस्ट्रेलिया, आयर्लंड, ओमान आणि सह-यजमान श्रीलंका यांचे तगडे आव्हान असणार आहे. या गटातील अव्वल दोन संघ ‘सुपर-८’ फेरीसाठी पात्र ठरतील. झिम्बाब्वे आपल्या मोहिमेची सुरुवात ९ फेब्रुवारीला ओमानविरुद्ध कोलंबो येथे करणार आहे. झिम्बाब्वेच्या सामन्यांचे वेळापत्रक: ९ फेब्रुवारी: विरुद्ध ओमान (कोलंबो) १३ फेब्रुवारी: विरुद्ध ऑस्ट्रेलिया १७ फेब्रुवारी: विरुद्ध आयर्लंड १९ फेब्रुवारी: विरुद्ध श्रीलंका हेही वाचा – South Africa Squad : दक्षिण आफ्रिकेचा टी-२० विश्वचषकासाठी तगडा संघ जाहीर; २०२४ चा बदला घेण्यासाठी सज्ज! टी-२० वर्ल्ड कप २०२६ साठी झिम्बाब्वेचा संघ: सिकंदर रझा (कर्णधार), ब्रायन बेनेट, रयान बर्ल, ग्रीम क्रेमर, ब्रॅडली इव्हान्स, क्लाइव्ह मदांडे, टिनोटेंडा मापोसा, तादिवानशे मारुमनी, वेलिंग्टन मसाकाद्झा, टोनी मुनयोंगा, ताशिंगा मुसेकिवा, ब्लेसिंग मुझारबानी, डायोन मायर्स, रिचर्ड नगारवा, ब्रेंडन टेलर.
