Virat Kohli : ‘ऑफ स्टंपच्या बाहेरील चेंडूंनी संपवली विराटची कसोटी कारकीर्द…’, इंग्लंडच्या माजी खेळाडूचा मोठा दावा

मॉन्टी पनेसर पीटीआईशी बोलताना म्हणाले, “विराट कोहलीला ऑफ स्टंपच्या बाहेरील चेंडूवर, विशेषतः पाचव्या स्टंपच्या लाइनवर, ऑस्ट्रेलियातील खेळपट्ट्यांवर जिथे चेंडूला जास्त उंची मिळते, तिथे खेळताना अडचणी येत होत्या. त्यामुळे त्यानी कदाचित असा विचार केला असेल की इंग्लंडमध्ये चेंडू आणखी जास्त स्विंग होईल आणि ऑफ स्टंपच्या बाहेरील चेंडूवरच्या समस्येचे निराकरण त्याला करता आले नाही. मला वाटते की हेच एक कारण असावे, ज्यामुळे त्यांनी निवृत्तीचा विचार केला आणि आपली सारी ऊर्जा आरसीबी आणि भारतासाठी एकदिवसीय क्रिकेटवर केंद्रित करण्याचा निर्णय घेतला.”

तो कसोटी क्रिकेटचा उत्कृष्ट दूत राहिला –

मॉन्टी पनेसर यांनी सांगितले की, २०१८ मध्ये विराट कोहलीकडे शानदार पुनरागमनासाठी सर्व उत्तरे होती, परंतु करिअरच्या या टप्प्यावर असे करणे स्वाभाविकपणे खूप कठीण आहे. ते म्हणाले, “मला वाटते की त्यानी सर्व प्रकारच्या क्रिकेटमध्ये एक खेळाडू म्हणून खूप चांगली कामगिरी केली आहे. तो कसोटी क्रिकेटचा उत्कृष्ट दूत राहिला आहे. त्यांला कदाचित असे वाटत असेल की त्यानी आपले सर्वोत्तम प्रदर्शन केले आहे, त्यानी सर्व काही मिळवले आहे आणि आता कदाचित त्याला वाटत असेल की युवा खेळाडूंना पुढे येण्याची वेळ आली आहे.”

पनेसर पुढे म्हणाले, “२०१८ मधील कोहलीच्या कामगिरीची पुनरावृत्ती करणे त्यांच्यासाठी खूप कठीण असेल. एक साधे कारण असे आहे की गेल्या १२ ते १८ महिन्यांपासून तो ऑफ स्टंपच्या बाहेरील चेंडूंवर खेळताना अडचणींना सामोरे जात आहे. त्याच्याकडे यावर कोणताही उपाय नाही. तुम्हाला माहीत आहे की चौथ्या आणि पाचव्या स्टंपवरील चेंडूंवर त्याला नेमकी काय समस्या आहे.”