Bihar Election 2025 – बिहार विधानसभा निवडणुकीत मी पैसे देऊन मते खरेदी केली नाहीत. आता पैसे देऊन ज्यांनी मते खरेदी केली, त्यांना उत्तर द्यावे लागेल. आज आम्हाला आमच्या पराभवाने एक धक्का बसला आहे. पण आम्ही ही पोकळी भरून काढू.

काही लोक असा विचार करत आहेत की, मी बिहार सोडून जाईन; पण हा त्यांचा गैरसमज आहे, असे प्रतिपादन जनसुराज पक्षाचे सर्वेसर्वा प्रशांत किशोर यांनी आपले मत व्यक्त केले आहे. आपल्या पराभवानंतर किशोर यांनी एक पत्रकार परिषद घेतली. त्यावेळी ते बोलत होते.

किशोर म्हणाले की, मी पराभवासाठी स्वतःला जबाबदार मानतो. पण मी इथेच राहीन, कठोर परिश्रम करेन आणि पुन्हा प्रयत्न करेन. फक्त ३.५ टक्के मते मिळवणाऱ्या पक्षाला इतके लोक पाठिंबा देण्यासाठी आले आहेत. यावरून असे दिसून येते की त्यांनी काही काम केले आहे.

पण त्यांचे प्रयत्न पूर्णपणे अयशस्वी झाले. व्यवस्था बदलणे तर सोडाच, ते सत्तेतही बदल घडवून आणू शकले नाहीत. त्यांच्या काही चुका झाल्या असतील, म्हणूनच जनतेने त्यांना निवडून दिले नाही. आम्ही सर्व जण आत्मपरीक्षण करु. पण जे जिंकले त्यांचे अभिनंदन.

किशोर यांनी पराभवाची जबाबदारी घेत सांगितले की, मी २० तारखेला प्रायश्चित्त म्हणून भितिहरवा आश्रमात मौन उपवास करणार आहे. आम्ही चुका केल्या असतील, पण आम्ही कोणताही गुन्हा केलेला नाही. आम्ही बिहारमध्ये हिंदू-मुस्लिम राजकारण खेळलेले नाही.

असे होते पैशांचे गणित…
ही पहिलीच वेळ आहे जेव्हा अशी निवडणूक झाली आहे, ज्यामध्ये ४० हजार कोटी खर्च करण्याचे आश्वासन देण्यात आले आहे. म्हणूनच एनडीए जिंकला. लोकांनी १० हजार रुपयांची लालच मनात धरुन मतदान केले. प्रत्येक विधानसभा मतदारसंघात ६० ते ६२ हजार लोकांना १० हजार रुपये देण्यात आले. तसेच २ लाख रुपयेही देण्यात येतील, असे सांगण्यात आले.

हे कळविण्यासाठी संपूर्ण सरकारी यंत्रणा तैनात करण्यात आली होती. जीविका दीदी आणि आशा वर्कर्सचीही नियुक्ती करण्यात आली. त्यांना पैसे देण्यात आले. स्थलांतरित मजुरांना कपड्यांसाठी ५००० रुपये देण्यात आले. १.५ कोटी महिलांना १०,००० रुपये देण्यात आले आहेत; त्यांना ६ महिन्यांत २ लाख रुपये देण्यात यावेत.