Maharashtra Politics : संगमनेर तालुक्यातील घरकाम करणाऱ्या, विडी कामगार तसेच कष्टकरी महिलांनी आमदार सत्यजीत तांबे यांना राखी बांधून आपल्या जिव्हाळ्याच्या नात्याला आणखी घट्ट केले. अनेक वर्षांपासून या माता-भगिनींचे तांबे परिवाराशी असलेले विश्वासाचे आणि आपुलकीचे नाते यावेळीही प्रकर्षाने दिसून आले. (Maharashtra Politics)

यावेळी उपस्थित बहिणींना भावासारखा आधार देत, तुमची काळजी घेण्याची जबाबदारी माझी आहे आणि तुमच्या अडचणी सोडवण्याची जबाबदारीही माझीच आहे, असा भावनिक शब्द तांबे यांनी दिला. (Maharashtra Politics)

स्वतः कष्ट करून कुटुंबाचा आधार बनलेल्या महिलांच्या संघर्षाची जाणीव असल्याचे सांगत तांबे म्हणाले, तुम्ही आपली कामे सोडून माझ्याकडे आलात, राखी बांधलीत, यासाठी मी मनापासून आभारी आहे. तुम्ही माझ्यासाठी केवळ राखी बांधणाऱ्या बहिणी नाही, तर माझ्या कुटुंबाचा एक भाग आहात. (Maharashtra Politics)

तुमच्यावर कोणतीही अडचण आली, तर बिनधास्तपणे माझ्याकडे या; माझे दरवाजे तुमच्यासाठी कायम उघडे आहेत. सरकारी योजनांचे बदलते नियम आणि किचकट प्रक्रिया यामुळे अनेक कष्टकरी महिला विविध योजनांपासून वंचित राहतात. (Maharashtra Politics)

त्यामुळे त्यांच्या प्रश्नांचा सातत्याने पाठपुरावा करण्याची जबाबदारी आपण घेतली असल्याचेही त्यांनी स्पष्ट केले. सरकारी नियमांमध्ये जे जे बसते, त्यापासून एकही पात्र व्यक्ती वंचित राहणार नाही, याची आम्ही शंभर टक्के काळजी घेऊ, असा विश्वास त्यांनी दिला. (Maharashtra Politics)

कष्टकरी महिलांच्या स्वतःच्या घराचे स्वप्न पूर्ण करण्यासाठी स्वतःची जागा असलेल्या कुटुंबांना शासनाच्या माध्यमातून घर बांधण्यासाठी आवश्यक मदत मिळवून देण्याचा प्रयत्न सुरू आहे. (Maharashtra Politics)

तसेच ज्यांच्याकडे स्वतःची जागाच नाही, अशा कुटुंबांसाठीही जागा उपलब्ध करून देण्याचे प्रयत्न सुरू असल्याचे त्यांनी सांगितले. घरकाम करणाऱ्या बहिणींचे स्वतःचे छोटेसे का होईना, पण हक्काचे घर असावे, हे त्याचे स्वप्न आहे. हे स्वप्न पूर्ण करण्यासाठी आम्ही प्रयत्न करत आहोत, असे तांबे म्हणाले. (Maharashtra Politics)

Maharashtra Politics : जखमी गोविंदांच्या बिलावरून राडा! शिवसेनेच्या १७ पदाधिकाऱ्यांवर गुन्हा; आमदाराच्या मुलाचाही समावेश