Maharashtra Politics : दहीहंडी उत्सवादरम्यान जखमी झालेल्या गोविंदांच्या वैद्यकीय बिलांवरून रुग्णालयाच्या कर्मचाऱ्यांवर हल्ला करणे, शिवीगाळ करणे आणि धमकावणे या आरोपाखाली शिवसेनेच्या १७ पदाधिकाऱ्यांवर रविवारी गुन्हा दाखल करण्यात आला. यामध्ये पक्षाचे पालघर जिल्हा आणि शहर प्रमुख तसेच एका आमदाराच्या मुलाचा समावेश आहे. (Maharashtra Politics)

गुन्हा दाखल करण्यात आलेल्या १७ जणांपैकी १० जणांची नावे निष्पन्न झाली आहेत. यात शिवसेनेचे जिल्हा प्रमुख कुंदन बाळकृष्ण सांखे, शहर प्रमुख राहुल रामदास घरत आणि आमदार राजेंद्र गावित यांचा मुलगा रोहित गावित यांचा समावेश आहे. (Maharashtra Politics)

रुग्णालयातील बिलिंग रिसेप्शनिस्ट विवेक बाबुलिंगा (२३) यांनी दिलेल्या तक्रारीवरून एफआयआर दाखल करण्यात आला. ही घटना रिलीफ हॉस्पिटलमध्ये पहाटेच्या सुमारास घडली. शिवसेनेच्या मध्यवर्ती कार्यालयाबाहेर आयोजित दहीहंडी कार्यक्रमात जखमी झालेल्या गोविंदांना उपचारासाठी येथे आणण्यात आले होते. (Maharashtra Politics)

या पाच रुग्णांचे एकूण वैद्यकीय बिल १९,८६६ रुपये झाले होते, ज्यापैकी १०,००० रुपये एका सहकाऱ्याने रोख स्वरूपात भरले होते. मात्र, उर्वरित रक्कम न भरताच रुग्णांना डिस्चार्ज देण्याची मागणी केल्याने वाद निर्माण झाला. (Maharashtra Politics)

पहाटे १:१५ च्या सुमारास, सांखे आणि घरत यांच्यासह १५-२० जण तातडीच्या उपचार विभागात शिरले. त्यांनी कर्तव्यावर असलेल्या डॉ. लिजोमोल यांना शिवीगाळ केली आणि रिसेप्शनिस्ट बाबुलिंगा यांच्या कानशिलात लगावली. (Maharashtra Politics)

त्यांनी आयसीयूमध्येही बळजबरीने प्रवेश केला. तसेच त्यांनी जखमी गोविंदांपैकी एकाला आयसीयूमधून बळजबरीने बाहेर काढले. या प्रकरणाचा तपास सुरू असून अद्याप कोणालाही अटक करण्यात आलेली नाही. (Maharashtra Politics)

Maharashtra Politics : एकनाथ शिंदेंच्या शिवसेनेला धक्का? ‘या’ मंत्र्याच्या खात्यातील महत्त्वाचे अधिकार केले कमी; भाजपच्या निर्णयाची चर्चा