Dr. APJ Abdul Kalam Biopic : भारताचे मिसाईल मॅन म्हणून ओळखले जाणारे देशाचे दिवंगत राष्ट्रपती डॅा. ए.पी.जे. अब्दुल कलाम यांच्या जीवनावर आधारित चित्रपटाची घोषणा कान्स चित्रपट महोत्सवात करण्यात आली आहे. यामुळे त्यांचा जीवनप्रवास रुपेरी पडद्यावर पाहिला मिळणार आहे. या चित्रपटाचे नाव कलाम असे असून राष्ट्रीय पुरस्कार विजेते दिग्दर्शक ओम राऊत या चित्रपटाचे दिग्दर्शन करणार आहेत. तर दाक्षिणात्य अभिनेता धनुष्य चित्रपटात मुख्य भूमिका म्हणजेच अब्दुल कलाम यांच्या भूमिकेत दिसणार आहे.

चित्रपटाच्या निर्मात्यांनी फ्रान्समध्ये सुरू असलेल्या कान्स चित्रपट महोत्सवात कलाम चित्रपटाची घोषणा केली आहे. ओम राऊत आणि धनुष या चित्रपटावर चर्चा करण्यासाठी भेटले होते. तेव्हा त्यांना जाणवले की ते एकत्र त्यांच्या आयुष्यातील सर्वात मोठा चित्रपट बनवत आहेत आणि तो देशाचे दिवंगत राष्ट्रपती डॅा. एपीजे अब्दुल कलाम यांच्या जीवनावर हा चित्रपट आधारित असणार आहे.

चित्रपटाचे निर्माते अभिषेक अग्रवाल म्हणाले की, ‘डॉ. एपीजे अब्दुल कलाम यांचे जीवन मोठ्या पडद्यावर आणण्यासाठी आम्ही उत्सुक आहोत.’ हा आमच्यासाठी भावनिक क्षण आहे. भारतीय चित्रपटसृष्टीतील दिग्गज कलाकार ओम राऊत आणि धनुष यांच्यासोबत काम करण्याचा मला सन्मान मिळावा याचा मनस्वी आनंद असल्याचे त्यांनी सांगितले.

१५ ऑक्टोबर १९३१ रोजी डॅा. एपीजे अब्दुल कलाम यांचा जन्म झाला. ते पाच वर्ष भारताचे राष्ट्रपती राहिले होते. रामेश्वरमपासून ते राष्ट्रपती भवनापर्यंत ते कसे पोहचेले. या प्रवास अनेक अडथळ्यांचा सामना त्यांना करावा लागला होता. यामुळे डॅा. अब्दुल कलाम यांचे जीवन लोकांसाठी एक आदर्श मानले जाते. भारताचे मिसाईल मॅन म्हणूनही त्यांना ओळखले जाते. त्यांचा जीनवप्रवास उलघडून सांगणारी अनेक पुस्तक आणि चित्रपट आहेत. मात्र, कलाम या चित्रपटात अब्दुल कलाम यांच्या जीनवातील कोणते प्रसंग दाखविण्यात येणार याविषयी उत्सुकता निर्माण झाली आहे.

हेही वाचा: ‘बीवी ने बोला करने का…मतलब करने का’, सूर्याने पत्नीची खास इच्छा केली पूर्ण, पाहा VIDEO