Miraj News : मिरजेत दोन नशेखोरांनी धिंगाणा घातला (Miraj News) असून एसटी बस अडवून एसटी बसमधील वाहकाला बेदम मारहाण केली. नशेखोरांनी एका पोलिस कर्मचाऱ्यालाही चाकूने भोकसले. नशेखोरांनी मांडलेल्या या उच्छादानंतर जमलेल्या जमावाकडून या नशेखोरांना बेदम मारहाण करण्यात आली.

या घटनेची माहिती समजताच मिरज शहर पोलीस (Miraj News) फौजफाट्यासह घटनास्थळी दाखल झाले दोन्ही नशेखोरांना ताब्यात घेऊन जखमी वाहकाला तसेच पोलिसाला उपचारासाठी शासकीय रुग्णालयात दाखल करण्यात आले‌. सध्या दोघांवर मिरज शासकीय रुग्णालयात डॉ प्रशांत दोरकर यांच्या देखरेखीखाली उपचार सुरू आहेत.

घटनेची माहिती समजताच पोलिस अधीक्षक तुषार दोषी, अप्पर पोलीस अधीक्षक कल्पना बारवकर, उपअधीक्षक अजय कोकाटे, स्थानिक गुन्हे अन्वेषणचे पोलीस निरीक्षक संजीव झाडे, मिरज शहर पोलीस ठाण्याचे पोलीस निरीक्षक किरण चौगले, महात्मा गांधी पोलीस ठाण्याचे सहायक पोलिस निरीक्षक संदीप शिंदे फौज फाट्यासह मिरज (Miraj News) शासकीय रुग्णालयात दाखल झाले. याप्रकरणी पोलिसांनी दोन्हीही हल्लेखोरांना ताब्यात घेतले असून या घटनेचा तपास महात्मा गांधी चौक पोलीस करीत आहेत.