कैरो – कैरो शहर पोलिसांनी एका कोट्यधीश भिकारी महिलेला अटक केली आहे. तिच्या बॅंक खात्यामध्ये पोलिसांना तब्बल 30 लाख इजिप्शिअन पौंड्‌स म्हणजेच सुमारे दीड कोटी रुपये सापडले आहेत. नफिसा नावाची ही महिला शहरात ठिकठिकाणी व्हीलचेअरवर बसून भीक मागत असे. पण भीक मागून झाली की ती व्हीलचेअरवरून उठून रस्त्याने चालताना दिसत अस. अपंग नसतानाही ती अशा प्रकारे भीक मागून लोकांना फसवत असल्यानेच पोलिसांना ही कारवाई करावी लागली.

नफिसाच्या संपत्तीबाबत संशय आल्याने पोलिसांनी तिची सखोल चौकशी केली. हा तपास सुरु असतानाच पोलिसांना नफीसाची खरी आर्थिक स्थिती समजली. इजिप्तमध्ये घरबीआ आणि कोलिब या भागात तिच्या मालकीच्या पाच इमारती असल्याचेही उघडकीस आले तसेच तिच्या बॅंक खात्यामध्ये तब्बल 30 लाख इजिप्शिअन पौंड्‌स जमा जमा असल्याचे समोर आले. त्यामुळे पोलिसांनी नफिसाला अटक करुन तिच्याविरुद्ध फसवणुकीचा गुन्हा दाखल केला आहे.