Bribery Case : राजस्थानमधील उदयपूर येथे लाचलुचपत प्रतिबंधक विभागाने (ACB) मोठी कारवाई करत २ कोटी रुपयांची कथित लाच स्वीकारणाऱ्या एका व्यक्तीला अटक केली आहे. सज्जन कुमार असे अटक करण्यात आलेल्या व्यक्तीचे नाव आहे. (Bribery Case)

ही रक्कम स्पेशल ऑपरेशन्स ग्रुपचे (SOG) अतिरिक्त पोलीस अधीक्षक मुकेश कुमार सोनी यांच्या नावाने स्वीकारली जात असल्याचा प्राथमिक दावा करण्यात आला आहे. मात्र, सज्जन कुमार हा संबंधित अधिकाऱ्याचा दलाल असल्याची स्वतंत्र पुष्टी अद्याप झालेली नाही. (Bribery Case)

मिळालेल्या माहितीनुसार, एका प्रकरणात मदत किंवा दिलासा मिळवून देण्याच्या बदल्यात मोठ्या रकमेची मागणी करण्यात आल्याची तक्रार एसीबीकडे प्राप्त झाली होती. तक्रारीची पडताळणी केल्यानंतर एसीबीने सापळा रचला. त्यानंतर सज्जन कुमार याला २ कोटी रुपयांची रक्कम स्वीकारताना रंगेहाथ पकडण्यात आले. (Bribery Case)

प्राथमिक माहितीनुसार, आरोपी ही रक्कम एसओजीचे अतिरिक्त पोलीस अधीक्षक मुकेश कुमार सोनी यांच्या नावाने स्वीकारत होता. या दाव्याची तसेच संबंधित अधिकाऱ्याची या व्यवहारातील भूमिका तपासातून स्पष्ट होणार आहे. (Bribery Case)

नेमका व्यवहार कशासाठी?

२ कोटी रुपयांची लाच कोणत्या प्रकरणातील मदतीसाठी मागण्यात आली होती, पैशांचा अंतिम लाभार्थी कोण होता आणि या व्यवहारात आणखी कोणाचा सहभाग आहे का, याचा तपास एसीबीकडून सुरू आहे. (Bribery Case)

ही कारवाई एसीबीचे सीआय डॉ. सोनू शेखावत आणि एएसपी गोपाल स्वरूप मेवारा यांच्या पथकाने केली. डीआयजी डॉ. रामेश्वर सिंह यांच्या देखरेखीखाली कारवाई करण्यात आली. एसीबी मुख्यालयाकडूनही या प्रकरणावर लक्ष ठेवण्यात आले होते. (Bribery Case)

अटकेनंतर एसीबीने आरोपीची चौकशी सुरू केली असून, लाचेच्या व्यवहाराशी संबंधित कागदपत्रे आणि इतर बाबींची तपासणी केली जात आहे. तपास पूर्ण झाल्यानंतर या प्रकरणातील अधिक तपशील समोर येण्याची शक्यता आहे. (Bribery Case)

Bribery Case : ५० लाख रुपयांची लाच घेताना तहसीलदाराला अटक; १३ एकर जमिनीसाठी मागितले होते १ कोटी

Bribery Case : मोठी कारवाई! सहाय्यक आयुक्तांना लाच घेताना रंगेहात पकडलं; राज्यात खळबळ