Modi Cabinet : उत्तर प्रदेशातील आगामी राज्यसभा निवडणुकीसाठी भाजपने आठ उमेदवारांची घोषणा केली असून, पक्षाने आपल्या विद्यमान आठही राज्यसभा सदस्यांना पुन्हा संधी दिलेली नाही. यामध्ये केंद्रीय पेट्रोलियम मंत्री हरदीप सिंह पुरी आणि केंद्रीय राज्यमंत्री बी.एल. वर्मा यांचाही समावेश आहे. (Modi Cabinet)

दोन्ही नेत्यांना पुन्हा उमेदवारी न मिळाल्याने केंद्रातील मंत्रिमंडळातील संभाव्य फेरबदलाबाबत राजकीय चर्चांना सुरुवात झाली आहे. मात्र, दोन्ही मंत्र्यांच्या राजीनाम्याबाबत अद्याप अधिकृत घोषणा झालेली नाही. (Modi Cabinet)

उत्तर प्रदेशातील राज्यसभेच्या १० जागांसाठी १६ ऑक्टोबर २०२६ रोजी मतदान होणार आहे. भाजपने या निवडणुकीसाठी धर्मपाल सिंह, राधाकांत ओझा, प्रकाश पाल, विद्यासागर सोनकर, गोपी कृष्ण पांडेय, प्रियंका सिंह रावत, राम प्रताप सिंह चौहान आणि श्रुती गंगवार यांना उमेदवारी दिली आहे. (Modi Cabinet)

हरदीप सिंह पुरींचे काय होणार?

हरदीप सिंह पुरी हे सध्या केंद्रीय पेट्रोलियम आणि नैसर्गिक वायू मंत्री आहेत. ते उत्तर प्रदेशातून राज्यसभेचे सदस्य असून त्यांचा कार्यकाळ नोव्हेंबर २०२६मध्ये संपत आहे. भाजपने जाहीर केलेल्या नव्या यादीत त्यांचे नाव नाही. (Modi Cabinet)

पुरी यांना राज्यसभेवर पुन्हा संधी न मिळाल्याने त्यांच्या मंत्रिपदाबाबत प्रश्न उपस्थित झाले आहेत. मात्र, राज्यसभा सदस्यत्व संपल्यानंतर मंत्रिपद कायम ठेवण्यासाठी पुढील सहा महिन्यांत संसद सदस्य होणे आवश्यक असल्याने त्यांना पुढे कोणत्या मार्गाने संसदेत आणले जाते, याकडे लक्ष लागले आहे. (Modi Cabinet)

बी.एल. वर्मांनाही उमेदवारी नाही

केंद्रीय राज्यमंत्री बी.एल. वर्मा यांनाही भाजपने उत्तर प्रदेशातून पुन्हा राज्यसभेची उमेदवारी दिलेली नाही. त्यांच्याकडे ग्राहक व्यवहार, अन्न व सार्वजनिक वितरण तसेच सामाजिक न्याय आणि सक्षमीकरण मंत्रालयाची जबाबदारी आहे. (Modi Cabinet)

भाजपने त्यांच्या जागी धर्मपाल सिंह यांना उमेदवारी दिली आहे. धर्मपाल सिंह हे उत्तर प्रदेश सरकारमध्ये मंत्री असून लोधी समाजाचे नेते आहेत. त्यामुळे पक्षाने उमेदवार निवडताना सामाजिक आणि प्रादेशिक समीकरणांचाही विचार केल्याचे वृत्त आहे. (Modi Cabinet)

आठही विद्यमान खासदारांना डच्चू

विशेष म्हणजे, भाजपने केवळ पुरी आणि वर्मा यांनाच वगळलेले नाही, तर उत्तर प्रदेशातील कार्यकाळ संपणाऱ्या आपल्या सर्व आठ विद्यमान राज्यसभा सदस्यांना पुन्हा उमेदवारी दिलेली नाही. यामध्ये अरुण सिंह, गीता शाक्य, नीरज शेखर, बृजलाल आणि सीमा द्विवेदी यांचाही समावेश आहे. (Modi Cabinet)

भाजपने यावेळी संघटनात्मक पातळीवर काम करणारे नेते, महिला चेहरे आणि विविध सामाजिक घटकांचे प्रतिनिधित्व करणाऱ्या उमेदवारांना संधी दिली आहे. आठ उमेदवारांमध्ये तीन ओबीसी, दोन अनुसूचित जाती आणि तीन सर्वसाधारण प्रवर्गातील उमेदवार असल्याचे वृत्त आहे. (Modi Cabinet)

मंत्रिमंडळ फेरबदलाची चर्चा

हरदीप सिंह पुरी आणि बी.एल. वर्मा यांना पुन्हा राज्यसभेची उमेदवारी न मिळाल्यामुळे केंद्रातील संभाव्य मंत्रिमंडळ फेरबदलाच्या चर्चांना वेग आला आहे. मात्र, भाजपने या दोन्ही नेत्यांबाबत पुढील निर्णय काय असेल, याची अधिकृत माहिती अद्याप दिलेली नाही. त्यामुळे सध्या राजीनामा देणार असल्याची चर्चा ही केवळ राजकीय अटकळ आहे. (Modi Cabinet)

Modi Cabinet : महाराष्ट्रातील ‘या’ तरूण तडफदार नेत्याला मिळणार केंद्रात मंत्रिपद?, दिल्लीत हालचालींना वेग

PM Modi Cabinet Decision : दोन टप्प्यात होणार जनगणना; २०२७ च्या जनगणनेसाठी संपूर्ण योजना जाहीर