बेंगळुरू – रेस्टॉरंट्‌स, पब आणि शाळांनंतर, कर्नाटकच्या कलबुर्गी विमानतळ परिसरात अभ्यागत आणि प्रवाशांसाठी मास्क घालणे अनिवार्य करण्यात आले आहे. मास्क नसलेल्या कोणालाही विमानतळाच्या परिसरात प्रवेश दिला जाणार नाही,असे कलबुर्गी विमानतळाचे संचालक चिलाका महेश यांनी सांगितले.

यापूर्वी कर्नाटकातील रेस्टॉरंट, पब, थिएटर हॉल, शाळा आणि महाविद्यालयांमध्ये मास्क घालणे अनिवार्य करण्यात आले होते. महसूल मंत्री आर अशोक यांनी सोमवारी सांगितले की, “चीनमध्ये कोविडची प्रकरणे वाढत आहेत. आमच्या सल्लागार कक्षाने आंतरराष्ट्रीय प्रवाशांवर लक्ष ठेवण्याचे सुचवले आहे.

Anil Deshmukh : अनिल देशमुख यांच्या सुटकेचा मार्ग मोकळा; ‘ती’ याचिका न्यायालयाने फेटाळली

आम्ही आरोग्य मंत्री के सुधाकर यांच्यासमवेत कोविड तयारीशी संबंधित एक बैठक घेतली. बेंगळुरूमध्ये उपचारासाठी दोन रुग्णालये समर्पित केली जातील. लोकांनी यामुळे घाबरून जाण्याची गरज नाही, ही केवळ एक खबरदारीची उपाययोजना आहे असे आरोग्यमंत्र्यांनी स्पष्ट केले आहे.