Bhondubaba Arrest: अंधश्रद्धेचा बाजार मांडत ‘भूत उतरवण्याच्या’ नावाखाली अघोरी प्रकार करणाऱ्या भोंदूबाबा रिदम पांचाळ याला दिंडोशी पोलिसांनी अटक केली आहे. स्थानिक रहिवाशांच्या तक्रारी, व्हिडिओ पुरावे आणि सामूहिक पाठपुराव्यानंतर ही कारवाई करण्यात आली.  Bhondubaba Arrest

पोलिसांनी दिलेल्या माहितीनुसार, मालाड परिसरात राहणारा रिदम पांचाळ गेल्या दोन वर्षांपासून दर गुरुवार आणि रविवारी अघोरी पूजेचे आयोजन करत होता. “माझ्या अंगात देवी संचारते” असा दावा करत तो सायंकाळी ६-७ वाजल्यापासून पहाटेपर्यंत विधी करत असे. सुरुवातीला हे प्रकार घरापुरते मर्यादित होते; मात्र ४ एप्रिल रोजी त्याने मुंबई महानगरपालिकेच्या सार्वजनिक उद्यानात शेकडो लोकांना जमवून उघडपणे जादूटोण्याचे प्रयोग केल्याने संतापाची लाट उसळली. या प्रकाराचे व्हिडिओ समाजमाध्यमांवर व्हायरल झाल्यानंतर प्रकरण अधिकच चिघळले.  Bhondubaba Arrest

हेही वाचा –  सरकारी कर्मचाऱ्यांच्या बदल्यांबाबत महाराष्ट्र सरकारचा मोठी निर्णय; शासन निर्णय प्रसिद्ध 

अघोरी साहित्याची मागणी, परिसरात दहशत – (Bhondubaba Arrest)

उपचारांच्या नावाखाली पांचाळ भक्तांकडून बकऱ्याचे काळीज, स्मशानातील राख, लिंबू, टाचण्या, दारूची बाटली, सिगारेट अशा संशयास्पद वस्तूंची मागणी करत होता. विधीनंतर हे साहित्य चौकात नेऊन ठेवण्यास सांगितले जात असल्याने परिसरात भीतीचे वातावरण निर्माण झाले होते.

रहिवाशांचा पुढाकार निर्णायक – 

वारंवार सूचना देऊनही प्रकार थांबत नसल्याने स्थानिक रहिवाशांनी पुढाकार घेतला. अघोरी कृत्यांचे व्हिडिओ पोलिसांकडे सादर करत सामूहिक स्वाक्षऱ्यांचे निवेदन देण्यात आले. महाराष्ट्र अंधश्रद्धा निर्मूलन कायद्यांतर्गत गुन्हा दाखल करण्याची मागणीही करण्यात आली होती.

प्राथमिक चौकशीनंतर दिंडोशी पोलिसांनी गुन्हा नोंदवत रिदम पांचाळ याला ताब्यात घेत अटक केली. पुढील तपास सुरू आहे.