Repo Rate RBI Policy : रिझर्व्ह बँक ऑफ इंडिया (RBI) चे गव्हर्नर संजय मल्होत्रा यांनी पतधोरण समितीच्या (MPC) बैठकीनंतर महत्त्वाची घोषणा करत रेपो रेट 5.25 टक्क्यांवर कायम ठेवण्याचा निर्णय जाहीर केला. सलग तिसऱ्यांदा रेपो रेटमध्ये कोणताही बदल न केल्याने गृहकर्जदारांना मोठा दिलासा मिळाला आहे.

रेपो रेट स्थिर ठेवल्यामुळे गृहकर्ज, वाहन कर्ज आणि इतर कर्जांच्या व्याजदरांमध्ये तातडीने वाढ होण्याची शक्यता नाही. परिणामी, गृहकर्जाचा EMI देखील सध्याच्या पातळीवर कायम राहणार आहे.   (Repo Rate RBI Policy)

पतधोरण जाहीर करताना संजय मल्होत्रा यांनी जागतिक स्तरावरील आर्थिक आणि भूराजकीय परिस्थितीबाबत चिंता व्यक्त केली. विविध युद्धजन्य परिस्थिती, पुरवठा साखळीतील अडथळे आणि ऊर्जा दरातील वाढ यामुळे जागतिक अर्थव्यवस्थेवर दबाव निर्माण झाला असून विकासदरावर त्याचा परिणाम होत असल्याचे त्यांनी नमूद केले.

हेही वाचा : Ramalinga Reddy : काँग्रेस सरकारमध्ये नाराजीचा स्फोट! मंत्रिपदाचा राजीनामा देत रामलिंगा रेड्डींचा डी. के. शिवकुमार यांना धक्का

त्यांनी सांगितले की, या घटकांमुळे महागाईवरील दबाव कायम असला तरी भारतातील किरकोळ महागाई दर (Retail Inflation) अद्याप RBI च्या निश्चित लक्ष्याच्या मर्यादेत आहे. मात्र, पुरवठा तुटवड्याचा परिणाम पुढील काही तिमाहींमध्येही जाणवू शकतो.  (Repo Rate RBI Policy)

 

“आर्थिक अनिश्चिततेच्या या काळात भारतीय अर्थव्यवस्था आव्हानांवर मात करेल, असा आम्हाला विश्वास आहे. RBI परिस्थितीवर बारकाईने लक्ष ठेवून आवश्यक ते निर्णय घेत राहील,” असे संजय मल्होत्रा यांनी स्पष्ट केले.  (Repo Rate RBI Policy)

पतधोरण समितीने सलग तिसऱ्या बैठकीत ‘न्यूट्रल’ धोरण कायम ठेवत रेपो रेटमध्ये कोणताही बदल न करण्याचा निर्णय घेतला आहे. त्यामुळे आगामी काळात घर खरेदी करण्याचा विचार करणाऱ्या ग्राहकांसाठी ही सकारात्मक बातमी मानली जात आहे.

हेही वाचा : Vladimir Putin : “भारत आतापर्यंत एकाही देशापुढे झुकला नाही, हीच भारताची मोठी ताकद”; पुतिन यांनी अमेरिकेला सुनावले !