पुणे : पुणे रेल्वे विभागातील प्रवाशांसाठी महत्त्वाची बातमी आहे. दौंड-काष्टी (Daund-Kurduwadi) दरम्यान सुरू असलेल्या दुहेरीकरण प्रकल्प आणि नॉन-इंटरलॉकिंग (Non-Interlocking) कामासाठी रेल्वे प्रशासनाने ४ ते २५ जानेवारी २०२६ या कालावधीत विशेष पॉवर ब्लॉक जाहीर केला आहे. यामुळे ९५ हून अधिक एक्स्प्रेस, मेल, डेमू आणि पॅसेंजर गाड्या रद्द होणार आहेत, तर काहींच्या मार्गात बदल आणि उशीर होणार आहे. रेल्वे प्रशासनने प्रवाशांना झालेल्या गैरसोयीबद्दल खेद व्यक्त केला असून, हे काम सुरक्षा आणि ऑपरेशनल कार्यक्षमता वाढवण्यासाठी आवश्यक असल्याचे सांगितले आहे. जानेवारी महिन्यात प्रवास करणाऱ्या प्रवाशांनी आगाऊ नियोजन करणे अत्यंत आवश्यक आहे. प्रमुख काम आणि ब्लॉकची माहिती खालीलप्रमाणे : प्री-नॉन-इंटरलॉकिंग काम : ४ ते २३ जानेवारी २०२६ नॉन-इंटरलॉकिंग काम : २४ आणि २५ जानेवारी २०२६ प्रभावित कालावधी : मुख्यतः १५ ते २५ जानेवारी २०२६ (या १० दिवसांत सर्वाधिक रद्दीकरण) दौंड-मनमाड विभागातील दुहेरीकरण, सिग्नलिंग आणि इलेक्ट्रॉनिक इंटरलॉकिंगसाठी आवश्यक तांत्रिक कामामुळे पुणे-सोलापूर, पुणे-नागपूर, विदर्भ आणि दक्षिण भारतकडे जाणाऱ्या गाड्यांना सर्वाधिक फटका बसणार आहे. विलंब होणाऱ्या प्रमुख गाड्या एलटीटी-विशाखापट्टणम एक्स्प्रेस (१२४८०) : १ ते २ तास उशीर मुंबई-नागपूर एक्स्प्रेस : १ ते २ तास उशीर पुणे-अमरावती एक्स्प्रेस (१९१०४) : १ तास ३० मिनिटांपर्यंत उशीर पुणे-हटिया एक्स्प्रेस (२२८४४) आणि पुणे-लखनऊ एक्स्प्रेस : १ ते २ तास उशीर दोन दिवसांसाठी पूर्ण रद्द होणाऱ्या गाड्या पुण्याहून सुटणाऱ्या गाड्या २४ व २५ जानेवारीला रद्द आहेत. पुणे-नागपूर गरिबरथ एक्स्प्रेस पुणे-नांदेड एक्स्प्रेस नांदेड-पुणे एक्स्प्रेस पुणे-हरंगूळ विशेष एक्स्प्रेस हरंगूळ-पुणे विशेष एक्स्प्रेस पुणे-अजनी एक्स्प्रेस अजनी-पुणे एक्स्प्रेस नागपूर-पुणे एक्स्प्रेस पुणे-नागपूर एक्स्प्रेस पुणे-अमरावती एक्स्प्रेस पनवेल-नांदेड एक्स्प्रेस नांदेड-पनवेल एक्स्प्रेस १० दिवसांसाठी (१५ ते २५ जानेवारी) रद्द होणाऱ्या प्रमुख गाड्या पुणे-सोलापूर-पुणे एक्स्प्रेस (१२१६९/१२१७०) पुणे-सोलापूर-पुणे हुतात्मा एक्स्प्रेस (१२१५७/१२१५८) २१ जानेवारीला दादर-साईनगर शिर्डी एक्स्प्रेस (११०४१/११०४२) रद्द राहील पुणे, दौंड व बारामतीदरम्यान धावणाऱ्या सर्व डेमूची सेवादेखील १५ ते २३ जानेवारीपर्यंत रद्द
