Maharashtra Weather : महाराष्ट्रात धो धो पाऊस कोसळणार; हवामान विभागाकडून महत्त्वाचं अपडेट
Maharashtra Weather : गेल्या दोन दिवसांपासून राज्यातील अनेक जिल्ह्यांमध्ये पावसाने दमदार पुनरागमन केले असले, तरी नवीन आठवड्याच्या सुरुवातीला पावसाचा जोर काहीसा कमी होणार आहे.
Maharashtra Weather : गेल्या दोन दिवसांपासून राज्यातील अनेक भागांत पावसाने पुनरागमन केले असले, तरी सोमवार (20 जुलै) रोजी बहुतांश भागात पावसाचा जोर काहीसा कमी राहण्याची शक्यता हवामान विभागाने व्यक्त केली आहे. मात्र, पुणे आणि सातारा घाटमाथा परिसरात मुसळधार पावसाचा इशारा देत यलो अलर्ट जारी करण्यात आला आहे. (Maharashtra Weather)
कोकणात हलका ते मध्यम पाऊस
कोकणातील पालघर, मुंबई, ठाणे, रायगड, रत्नागिरी आणि सिंधुदुर्ग जिल्ह्यांत हलका ते मध्यम पाऊस पडण्याची शक्यता आहे. मागील दोन दिवसांच्या तुलनेत पावसाचा जोर कमी राहण्याचा अंदाज व्यक्त करण्यात आला आहे. (Maharashtra Weather)
उत्तर महाराष्ट्रातही हलक्या सरी
धुळे, नंदुरबार, जळगाव आणि अहिल्यानगर जिल्ह्यांत हलक्या पावसाची शक्यता असून नाशिक आणि घाटमाथा परिसरात हलका ते मध्यम पाऊस होऊ शकतो. पुढील 72 तास या भागात पावसाची तीव्रता कमी राहण्याचा अंदाज आहे. (Maharashtra Weather)
पश्चिम महाराष्ट्रात घाटमाथ्यावर सतर्कतेचा इशारा
पुणे, सातारा, कोल्हापूर, सांगली आणि सोलापूर जिल्ह्यांत हलका पाऊस पडण्याची शक्यता आहे. मात्र पुणे आणि सातारा घाटमाथा परिसरात मुसळधार पावसाचा अंदाज असल्याने यलो अलर्ट जारी करण्यात आला आहे. कोल्हापूर घाटमाथ्यावरही मध्यम स्वरूपाच्या सरींची शक्यता आहे. (Maharashtra Weather)
मराठवाड्यात पावसाचा ब्रेक
छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव जिल्ह्यांत हलक्या पावसाची शक्यता आहे. मागील दोन दिवसांच्या तुलनेत या भागात पावसाचा जोर कमी राहण्याचा अंदाज आहे. (Maharashtra Weather)
विदर्भात ढगाळ वातावरण
अकोला, अमरावती, बुलढाणा, नागपूर, वर्धा, वाशिम, यवतमाळ, भंडारा, गोंदिया, चंद्रपूर आणि गडचिरोली जिल्ह्यांत हलक्या सरी पडू शकतात. काही ठिकाणी दिवसभर ढगाळ वातावरण राहण्याची शक्यता आहे. (Maharashtra Weather)
Maharashtra Weather Update |
22 जुलैपासून पुन्हा पावसाचा जोर वाढण्याची शक्यता
हवामान विभागाच्या अंदाजानुसार, 20 आणि 21 जुलैदरम्यान राज्यात मोठ्या पावसाची शक्यता कमी आहे. मात्र 22 जुलैपासून पुन्हा पावसाची तीव्रता वाढू शकते. त्यामुळे नागरिकांनी आणि शेतकऱ्यांनी हवामानाचा अंदाज लक्षात घेऊन आवश्यक खबरदारी घ्यावी, असे आवाहन करण्यात आले आहे. (Maharashtra Weather)
Heavy Rain : राज्यात पुन्हा पावसाचा दमदार कमबॅक; अनेक भागांना दिलासा, तळकोकणात मुसळधार बरसात
