Weather Update : मोठी गुड न्यूज! राज्यात पुन्हा पावसाचा जोर वाढणार; ‘या’ जिल्ह्यांना मुसळधार पावसाचा अंदाज
Weather Update : गेल्या काही दिवसांपासून पावसाने दडी मारल्याने राज्यातील शेतकरी चिंतेत आहेत.
Weather Update : गेल्या काही दिवसांपासून पावसाने दडी मारल्याने राज्यातील शेतकरी चिंतेत आहेत. अनेक भागांत पावसाअभावी खरीप पिकांवर संकट ओढावले असून जलसाठ्यांवरही त्याचा परिणाम होण्याची शक्यता आहे. (Weather Update)
मात्र, आता राज्यासाठी काहीशी दिलासादायक बातमी समोर आली आहे. राज्यात पुन्हा मान्सून सक्रिय होण्याची शक्यता असून काही भागांत मुसळधार पावसाचा अंदाज वर्तवण्यात आला आहे. (Weather Update)
हवामान तज्ज्ञ पंजाबराव डख यांनी राज्यातील आगामी पावसाबाबत नवा अंदाज व्यक्त केला आहे. त्यांच्या अंदाजानुसार, राज्यात कमी दाबाचा पट्टा तयार झाला असून तो विदर्भाकडून मराठवाडा, उत्तर महाराष्ट्र आणि त्यानंतर कोकणाच्या दिशेने सरकण्याची शक्यता आहे. त्यामुळे राज्यातील विविध भागांत पावसाचा जोर वाढू शकतो. (Weather Update)
विदर्भात पावसाचा जोर वाढणार
पंजाबराव डख यांच्या अंदाजानुसार, विदर्भात ११ सप्टेंबरपासून पावसाला सुरुवात झाली असून पुढील काही दिवसांत पावसाचा जोर वाढण्याची शक्यता आहे. चंद्रपूर, वर्धा, नागपूर, भंडारा आणि गोंदिया या जिल्ह्यांमध्ये हलका ते मध्यम पाऊस होण्याचा अंदाज व्यक्त करण्यात आला आहे. तसेच अकोला, बुलढाणा, अमरावती यांसह विदर्भातील इतर जिल्ह्यांमध्येही चांगल्या पावसाची शक्यता असल्याचे डख यांनी म्हटले आहे. (Weather Update)
मराठवाडा आणि उत्तर महाराष्ट्रातही पावसाचा अंदाज
मराठवाड्यात नांदेड, हिंगोली, छत्रपती संभाजीनगर, बीड आणि लातूर या जिल्ह्यांमध्ये पावसाचा जोर वाढण्याची शक्यता आहे. उत्तर महाराष्ट्रातील नाशिक आणि अहिल्यानगर जिल्ह्यांमध्येही दमदार पावसाचा अंदाज व्यक्त करण्यात आला आहे. दरम्यान, १३ आणि १४ सप्टेंबर रोजी नाशिक आणि मुंबई या जिल्ह्यांमध्ये मुसळधार पावसाची शक्यता असल्याचे पंजाबराव डख यांनी सांगितले आहे. (Weather Update)
१२ ते १७ सप्टेंबरदरम्यान पावसाचा जोर?
राज्यात १२ ते १७ सप्टेंबर या कालावधीत पावसाचा जोर कायम राहण्याची शक्यता असल्याचा अंदाज पंजाबराव डख यांनी व्यक्त केला आहे. या काळात राज्यातील विविध भागांत पाऊस होऊ शकतो. (Weather Update)
पावसाने गेल्या काही दिवसांपासून ओढ दिल्याने चिंतेत असलेल्या शेतकऱ्यांना या अंदाजामुळे काहीसा दिलासा मिळण्याची शक्यता आहे. मात्र, प्रत्यक्ष पावसाचे प्रमाण आणि वितरण स्थानिक हवामान परिस्थितीनुसार बदलू शकते. (Weather Update)
