Maharashtra Weather Update : महाराष्ट्रात सध्या पावसाने काहीशी विश्रांती घेतली आहे. पुढील चार ते पाच दिवस राज्यात मुसळधार पावसाची शक्यता कमी असल्याचा अंदाज हवामान विभागाने व्यक्त केला आहे. मात्र, काही जिल्ह्यांमध्ये स्थानिक वातावरणाच्या प्रभावामुळे विजांच्या कडकडाटासह हलक्या ते मध्यम स्वरूपाच्या सरी कोसळण्याची शक्यता आहे. (Maharashtra Weather Update)

पावसाने उघडीप दिल्याने ऐन खरीप हंगामात शेतकऱ्यांची चिंता वाढली आहे. राज्यातील बहुतांश भागात ढगाळ वातावरण आणि अधूनमधून ऊन-सावल्यांचा खेळ पाहायला मिळणार आहे. (Maharashtra Weather Update)

‘या’ जिल्ह्यांमध्ये विजांसह पावसाची शक्यता

हवामान विभागाच्या अंदाजानुसार, धुळे, नाशिक आणि नांदेड जिल्ह्यांमध्ये काही ठिकाणी विजांच्या कडकडाटासह पाऊस पडण्याची शक्यता आहे. याशिवाय नंदुरबार, जळगाव, अहिल्यानगर, जालना आणि हिंगोली या जिल्ह्यांमध्येही तुरळक ठिकाणी ढगाळ वातावरणासह हलक्या सरी बरसण्याची शक्यता वर्तवण्यात आली आहे. (Maharashtra Weather Update)

महाराष्ट्रात पाऊस का ओसरला?

सध्या मध्य प्रदेश आणि उत्तर प्रदेशच्या सीमेवर तयार झालेल्या कमी दाबाच्या क्षेत्राची तीव्रता हळूहळू कमी होत आहे. त्याचबरोबर मॉन्सूनचा मुख्य पट्टा महाराष्ट्रापासून उत्तर भारताच्या दिशेने सरकल्याने राज्यातील पावसाचा जोर कमी झाला आहे. (Maharashtra Weather Update)

त्यामुळे पुढील काही दिवस राज्यातील बहुतांश भागात कडक ऊन, ढगाळ वातावरण आणि अधूनमधून हलक्या सरी असे हवामान पाहायला मिळण्याची शक्यता आहे. (Maharashtra Weather Update)

Weather update : देशासह राज्‍यात अनेक ठिकाणी मुसळधार.! जनजीवन विस्‍कळीत, नागरिकांना दिला सतर्कतेचा इशारा 

पुढील ५ दिवस हवामान कसं राहणार?

नाशिक, धुळे आणि नांदेड जिल्ह्यांत आज आणि उद्या विजांच्या कडकडाटासह हलक्या पावसाची शक्यता आहे. उत्तर महाराष्ट्र आणि मराठवाड्यातील काही भागांत तुरळक सरी पडू शकतात. तर राज्यातील उर्वरित भागात प्रामुख्याने कोरडे किंवा ढगाळ हवामान राहण्याचा अंदाज आहे. (Maharashtra Weather Update)

तापमानात पुन्हा वाढ

पावसाने विश्रांती घेतल्याने राज्यातील तापमानात पुन्हा वाढ होत आहे. उपलब्ध माहितीनुसार, सोलापूरमध्ये ३४ अंश सेल्सिअस हे राज्यातील सर्वाधिक तापमान नोंदवण्यात आले, तर यवतमाळमध्ये १७ अंश सेल्सिअस हे सर्वांत कमी तापमान नोंदले गेले. (Maharashtra Weather Update)

दरम्यान, पुढील काही दिवस मोठ्या पावसाची शक्यता नसली तरी स्थानिक वातावरणामुळे काही भागांत अचानक विजांसह पाऊस होऊ शकतो. त्यामुळे नागरिकांसह शेतकऱ्यांनी हवामानाच्या ताज्या अंदाजाकडे लक्ष ठेवण्याचे आवाहन करण्यात येत आहे. (Maharashtra Weather Update)

Weather Update : पुन्हा वारं फिरलं..! महाराष्ट्रात पावसाची उघडीप; २७ ऑगस्टला कुठेही अलर्ट नाही, जाणून घ्या जिल्हानिहाय अंदाज