Maharashtra Politics : राज्याच्या राजकारणात मोठी चर्चा रंगू लागली असून शरद पवार यांच्या राष्ट्रवादी काँग्रेसला मोठा धक्का बसण्याची शक्यता व्यक्त केली जात आहे. राष्ट्रवादीचे नेते आणि माजी मंत्री प्राजक्त तनपुरे हे भाजपच्या संपर्कात असल्याची माहिती समोर आली आहे. तसेच आगामी अहिल्यानगर विधान परिषद निवडणूक ते भाजपच्या तिकिटावर लढवू शकतात, अशीही राजकीय वर्तुळात चर्चा सुरू झाली आहे. (Maharashtra Politics)

प्राजक्त तनपुरे यांनी सोशल मीडियावर भाजप नेते जयंत पाटील यांचा प्रोफाइल फोटो ठेवत अप्रत्यक्ष संकेत दिल्याची चर्चा सुरू आहे. त्यामुळे त्यांच्या संभाव्य पक्षांतराच्या चर्चांना आणखी हवा मिळाली आहे. (Maharashtra Politics)

याआधी राहुरी पोटनिवडणुकीदरम्यान तनपुरे यांनी भाजपच्या भूमिकेला अनुकूल निर्णय घेत माघार घेतली होती. त्यानंतरच त्यांच्या भाजप प्रवेशाच्या चर्चांना सुरुवात झाली होती. आता विधान परिषद निवडणुकीच्या पार्श्वभूमीवर या चर्चांना पुन्हा जोर आला आहे. (Maharashtra Politics)

दरम्यान, प्राजक्त तनपुरे यांनी अद्याप अधिकृतपणे कोणतीही भूमिका स्पष्ट केलेली नसली तरी त्यांच्या राजकीय हालचालींकडे राज्याच्या राजकीय वर्तुळाचे लक्ष लागले आहे. भाजपकडून त्यांना विधान परिषदेचे तिकीट मिळण्याची शक्यता वर्तवली जात असल्याने राष्ट्रवादीच्या गोटातही चिंतेचे वातावरण निर्माण झाले आहे. (Maharashtra Politics)