Maharashtra IAS Transfer : महाराष्ट्राच्या प्रशासकीय वर्तुळात बदल्यांचा वेग कायम असून, मुख्यमंत्री देवेंद्र फडणवीस यांच्या आदेशाने सोमवारी चार ज्येष्ठ IAS अधिकाऱ्यांच्या बदल्या करण्यात आल्या आहेत. मुख्यमंत्री पदाची सूत्रे हाती घेतल्यापासून फडणवीस यांनी प्रशासनात सक्रिय हालचाली सुरू ठेवल्या असून, गेल्या वर्षभरात सातत्याने सनदी अधिकाऱ्यांच्या बदल्या होत आहेत. प्रत्येक १० ते १५ दिवसांत ८ ते १० अधिकाऱ्यांच्या बदल्यांचे आदेश निघत असून, या आठवड्यातही ही परंपरा कायम राहिली आहे. कोणकोणत्या IAS अधिकाऱ्यांच्या बदल्या? १) श्रीधर दुबे (IAS:SCS:२०१४) व्यवस्थापकीय संचालक, महाराष्ट्र राज्य सहकारी विपणन महासंघ, मुंबई यांची आयुक्त अन्न आणि औषध प्रशासन, मुंबई म्हणून नियुक्ती २) सत्यजित बडे अतिरिक्त मुख्य कार्यकारी अधिकारी, जिल्हा परिषद, रायगड यांची अपंग व्यक्तींसाठी आयुक्त, पुणे म्हणून नियुक्ती ३) डॉ. सुनील भोकरे (Non-SCS) DOPT, अधिसूचना २८.०१.२०२६ रोजी नियुक्ती महाराष्ट्र एड्स नियंत्रण सोसायटी, मुंबई यांचे प्रकल्प संचालक, शहरी आरोग्य, मुंबई येथे आयुक्त, मुंबई म्हणून नियुक्ती ४) श्री राहुल कुलकर्णी निवड (Non-SCS) DOPT, अधिसूचना दिनांक २८.०१.२०२६ सहसचिव, गृह विभाग, मंत्रालय, मुंबई यांना महाराष्ट्र राज्य सहकारी विपणन महासंघ, मुंबईचे व्यवस्थापकीय संचालक म्हणून नियुक्त चार दिवसांपूर्वीच दोन IAS अधिकाऱ्यांच्या बदल्या याआधीच चार दिवसांपूर्वी दोन ज्येष्ठ IAS अधिकाऱ्यांच्या बदल्यांचे आदेश जारी करण्यात आले होते. मनिषा म्हैसकर पाटणकर यांची नियुक्ती अपर मुख्य सचिव (गृह), गृह विभाग, मंत्रालय या पदावर करण्यात आली आहे. ही जागा डॉ. आय. एस. चहल यांच्या सेवानिवृत्तीनंतर रिक्त झाली होती. त्यांच्या जागी मिलिंद म्हैसकर यांची नियुक्ती करण्यात आली आहे. मुख्यमंत्री फडणवीस यांच्या नेतृत्वाखाली प्रशासन अधिक गतिमान करण्यासाठी सतत बदल्या आणि पुनर्नियुक्तीचा धडाका सुरू असल्याचे चित्र सध्या दिसून येत आहे. मोठी बातमी..! ऐन निवडणुकीत बड्या IAS अधिकाऱ्यांच्या बदल्या; पहा कोणाची कुठे बदली