मुंबई : महाराष्ट्र लोकसेवा आयोगामार्फत रविवारी (दि. 3 एप्रिल, 2022) महाराष्ट्रातील एकूण 921 उपकेंद्रांवर महाराष्ट्र गट-क सेवा संयुक्त पूर्व परीक्षा 2021 घेण्यात येणार आहे. या परीक्षेसाठी सुमारे 3 लाख 8 हजार 236 उमेदवारांना प्रवेश देण्यात आला आहे.

महाराष्ट्र गट-क सेवा संयुक्त पूर्व परीक्षा- 2021 मधून उद्योग संचालनालयात उद्योग निरीक्षक, राज्य उत्पादन शुल्क विभागात दुय्यम निरीक्षक, विमा संचालनालयात तांत्रिक सहायक तसेच कर सहायक, लिपिक-टंकलेखक (मराठी/इंग्रजी) या गट-क संवर्गातील पदे भरण्यात येणार आहेत.

या परीक्षेमध्ये गैरव्यवहार व अनुचित प्रकार होऊ नये यासाठी आयोगातर्फे प्रत्येक जिल्हा केंद्रासाठी शासन सेवेतील वरिष्ठ दर्जाच्या अधिकाऱ्यांची विशेष निरीक्षक म्हणून नियुक्ती करण्यात आली आहे.