Pune News : ग्रामपंचायतीच्या निवडणुकीसाठी नविन मतदार यादी; दुबार, बोगस मतदारांची नावे वगळणार
Pune News : राज्य निवडणुक आयोगाने ग्रामपंचायतींच्या निवडणुकीसाठी प्रसिध्द होणारी अंतिम मतदार यादी येत्या ४ आॉगस्ट रोजी जाहीर करण्यास स्थगिती दिली आहे.
Pune News : राज्यात सुरु असलेल्या मतदार यादीचे सखोल पुनरिक्षण कार्यक्रम म्हणजेच एसआयआर मोहिम सुरु असल्याने राज्य निवडणुक आयोगाने ग्रामपंचायतींच्या निवडणुकीसाठी प्रसिध्द होणारी अंतिम मतदार यादी येत्या ४ आॉगस्ट रोजी जाहीर करण्यास स्थगिती दिली आहे. (Pune News0
तसेच केंद्रीय निवडणुक आयोगाचे राज्याचे मुख्य निवडणुक अधिकारी यांनी एसआयआर मोहिमेनंतर प्रसिध्द होणाऱ्या विधानसभा मतदारसंघनिहाय मतदार यादी ग्रामपंचायत निवडणुकीसाठी तयार करण्यास राज्य निवडणुक आयोगास विनंती केली आहे. (Pune News)
यावरून जिल्ह्यातील सुमारे ७५४ ग्रामपंचायत निवडणुकीसाठी नविन मतदार यादी वापरण्यात येण्याची दाट शक्यता आहे. यानिर्णयामुळे मतदार यादीतील मयत, दुबार, स्थलांतरीत तसेच बोगस मतदारांची नावे वगळून अद्ययावत होणारी अचूक मतदार यादीचा वापर होणार आहे. (Pune News)
जिल्ह्यातील मुदत संपलेल्या तसेच डिसेंबर २०२६ मध्ये मुदत संपणाऱ्या ७५४ ग्रामपंचायतींच्या सार्वत्रिक निवडणुकांकडे नागरिकांचे लक्ष लागले आहे. या ग्रामपंचायतीच्या सरपंच पदाचे आरक्षण यापूर्वीच सोडतीद्वारे जाहीर करण्यात आले आहे. (Pune News)
यंदा ग्रामपंचायतीच्या सरपंच पदाची थेट जनतेमधून निवड होणार आहे. त्यानंतर सदस्य पद आरक्षण सोडतही राज्य निवडणुक आयोगाकडून जाहीर करण्यात आली आहे. आता प्रभाग निहाय मतदार यादी प्रसिध्द करणे बाकी होते. त्याचा कार्यक्रमही जाहीर करून अंतिम मतदार यादी दि. ४ आॉगस्ट २०२६ रोजी प्रसिध्द होणार होती. (Pune News)
मात्र एस आय आर मोहिम सुरु असल्याने राज्यातील सर्व जिल्हाधिकारी यांनी ग्रामपंचायत निवडणुकीसाठी मतदार यादी प्रसिध्द करण्यास मुदतवाढ देण्याची विनंती केली होती. ही विनंती मान्य करत राज्य निवडणुक आयोगाने ग्रामपंचायत निवडणुकीसाठी मतदार यादी प्रसिध्द करण्यास स्थगिती दिली आहे. (Pune News)
निवडणुका नोव्हेंबर डिसेंबरमध्ये?
एसआयआर मोहिमेमध्ये मतदार यादी अचुक होणार असून बोगस, दुबार मतदारांची नावे वगळली जाणार आहेत. त्यानुसार केंद्रीय निवडणुक आयोगाकडून विधानसभा मतदारसंघनिहाय प्रारुप मतदार यादी दि.१७ आॉगस्ट २०२६ रोजी तर अंतिम मतदार यादी दि.१९ आॉक्टोंबर २०२६ रोजी प्रसिध्द होणार आहे. त्यामुळे ग्रामपंचायत निवडणुका नोव्हेंबर किंवा डिसेंबर २०२६ मध्ये होण्याची शक्यता वर्तविण्यात येत आहे. (Pune News)
