Devendra Fadnavis : मुख्यमंत्री देवेंद्र फडणवीस यांनी नागपूर दौऱ्यात सफाई कर्मचाऱ्यांसाठी मोठी घोषणा केली आहे. नागपूर महापालिकेच्या सफाई कर्मचारी नियुक्तीपत्र वितरण सोहळ्यात बोलताना त्यांनी सफाई कर्मचाऱ्यांना 300 स्क्वेअर फुटांचे घर मोफत देण्याची योजना पुन्हा सुरू केल्याचे सांगितले. यावेळी केंद्रीय मंत्री नितीन गडकरी देखील उपस्थित होते. (Devendra Fadnavis)

मुख्यमंत्री फडणवीस म्हणाले की, “मी मुख्यमंत्री पदावरून गेल्यानंतर ही योजना बंद झाली होती. मात्र पुन्हा मुख्यमंत्री झाल्यानंतर आम्ही ती योजना सुरू केली. सफाई कर्मचाऱ्यांना 300 स्क्वेअर फुटांचे घर मोफत मिळेल. त्यापेक्षा मोठे घर हवे असल्यास अतिरिक्त रक्कम भरावी लागेल.” (Devendra Fadnavis)

लाडपागे समितीच्या शिफारशींची अंमलबजावणी

आपल्या भाषणात मुख्यमंत्री म्हणाले की, लाडपागे समितीने सफाई कर्मचाऱ्यांच्या नियुक्त्यांबाबत अहवाल दिला होता. मात्र त्याची अंमलबजावणी होत नव्हती. 2015 मध्ये मुख्यमंत्री असताना हा अहवाल संपूर्ण राज्यातील सफाई कर्मचाऱ्यांसाठी लागू केला आणि त्यानुसार नियुक्त्यांची प्रक्रिया सुरू करण्यात आली. (Devendra Fadnavis)

ते म्हणाले की, शहरात 4,407 सफाई कर्मचाऱ्यांच्या नियुक्त्या करण्यात आल्या. या निर्णयाला न्यायालयात आव्हान देण्यात आले होते, मात्र सरकारने ही कायदेशीर लढाई जिंकली. (Devendra Fadnavis)

सफाई कर्मचाऱ्यांच्या मुलांसाठीही योजना

मुख्यमंत्री फडणवीस यांनी सांगितले की, शहर स्वच्छ ठेवण्यात सफाई कर्मचाऱ्यांचे मोठे योगदान आहे. त्यामुळे त्यांच्या मुलांना शिक्षण, रोजगार आणि कौशल्य विकासाच्या संधी उपलब्ध करून देण्यासाठी सरकार प्रयत्न करणार आहे. मोठ्या इमारतींच्या देखभाल (मेंटेनन्स) कामांसाठी सफाई कर्मचाऱ्यांच्या संस्थांना संधी मिळावी, यासाठीही प्रयत्न सुरू असल्याचे त्यांनी सांगितले. (Devendra Fadnavis)

महापालिकेला विकासासाठी निधी सुरूच

फडणवीस यांनी नागपूर महापालिकेतील रिक्त पदे लवकर भरावीत, असे निर्देश देतानाच शहराच्या विकासासाठी आणि स्वच्छतेसाठी आवश्यक निधी यापुढेही उपलब्ध करून दिला जाईल, असे आश्वासन दिले. “देशातील वेगाने वाढणाऱ्या शहरांमध्ये नागपूरचा समावेश आहे. त्यामुळे शहर अधिक स्वच्छ, सुंदर आणि विकसित करण्यासाठी सरकार कटिबद्ध आहे,” असेही त्यांनी स्पष्ट केले. (Devendra Fadnavis)

Devendra Fadnavis : मी पूर्णपणे महाराष्ट्रातच कार्यरत; फडणवीसांनी फेटाळल्या राष्ट्रीय राजकारणात जाण्याच्या चर्चा

Devendra Fadnavis : पंढरपूर कॉरिडॉर अडीच वर्षांत पूर्ण; मुख्‍यमंत्री देवेंद्र फडणवीस यांची घोषणा