Maharashtra IAS Transfers : महाराष्ट्र सरकारने तीन भारतीय प्रशासकीय सेवेतील (IAS) अधिकाऱ्यांच्या बदल्यांचे आदेश जारी केले आहेत. डॉ. मंजिरी मधुसूदन मनोळकर, शुभम गुप्ता आणि डॉ. भालचंद्र प्रताप चव्हाण यांना नवीन पदस्थापना देण्यात आली आहे. १२ ऑक्टोबर २०२६ रोजी जारी करण्यात आलेल्या आदेशानुसार, पुणे, मुंबई आणि बुलढाणा येथील महत्त्वाच्या प्रशासकीय पदांवर हे बदल करण्यात आले आहेत. (Maharashtra IAS Transfers)

१. डॉ. मंजिरी मनोळकर यांची पश्चिम महाराष्ट्र विकास महामंडळात नियुक्ती

डॉ. मंजिरी मधुसूदन मनोळकर या पुणे येथील महाराष्ट्र राज्य शेती महामंडळाच्या व्यवस्थापकीय संचालकपदी कार्यरत होत्या. आता त्यांची पश्चिम महाराष्ट्र विकास महामंडळ, पुणे येथील व्यवस्थापकीय संचालकपदी नियुक्ती करण्यात आली आहे. या नियुक्तीनंतर पश्चिम महाराष्ट्र विकास महामंडळाच्या प्रशासकीय कामकाजाची जबाबदारी त्यांच्याकडे असेल. (Maharashtra IAS Transfers)

२. शुभम गुप्ता यांची मुंबईत बदली

पश्चिम महाराष्ट्र विकास महामंडळाचे व्यवस्थापकीय संचालक म्हणून कार्यरत असलेले शुभम गुप्ता यांची मुंबई येथील उर्वरित महाराष्ट्र वैधानिक विकास मंडळाच्या सदस्य सचिवपदी नियुक्ती करण्यात आली आहे. (Maharashtra IAS Transfers)

त्यांच्या बदलीमुळे पश्चिम महाराष्ट्र विकास महामंडळाच्या व्यवस्थापकीय संचालकपदाची जबाबदारी डॉ. मंजिरी मनोळकर यांच्याकडे सोपवण्यात आली आहे. ()

३. डॉ. भालचंद्र चव्हाण बुलढाणा जिल्हा परिषदेचे नवे CEO

डॉ. भालचंद्र प्रताप चव्हाण यांची बुलढाणा जिल्हा परिषदेच्या मुख्य कार्यकारी अधिकारीपदी (CEO) नियुक्ती करण्यात आली आहे. यापूर्वी ते मंत्रालयातील आपत्ती व्यवस्थापन, मदत व पुनर्वसन विभागात संचालक म्हणून कार्यरत होते. (Maharashtra IAS Transfers)

नव्या नियुक्तीनंतर बुलढाणा जिल्हा परिषदेचे प्रशासकीय कामकाज, ग्रामीण विकास आणि विविध शासकीय योजनांच्या अंमलबजावणीशी संबंधित जबाबदाऱ्या त्यांच्याकडे असतील. राज्य सरकारच्या या प्रशासकीय फेरबदलांमुळे तीन महत्त्वाच्या पदांवरील जबाबदाऱ्यांचे नव्याने वाटप झाले आहे. (Maharashtra IAS Transfers)

Maharashtra IAS transfers : बदल्यांचा धडाका सुरूच; पुन्हा २२ पोलीस अधिकारी बदलले,राकेश ओला, समीर शेख यांचा समावेश