Maharashtra Cabinet : खेळाडू नोकरभरतीच्या सुधारित आरक्षणास मंजूरी; राज्य मंत्रिमंडळाच्या बैठकीत निर्णय
Maharashtra Cabinet : मुख्यमंत्री देवेंद्र फडणवीस यांच्या अध्यक्षतेखाली झालेल्या राज्य मंत्रिमंडळाच्या बैठकीत अनेक महत्त्वपूर्ण धोरणात्मक निर्णय घेण्यात आले आहेत.
Maharashtra Cabinet : राज्यातील गुणवंत खेळाडूंना शासकीय नोकऱ्यांमध्ये मिळणाऱ्या आरक्षणाबाबत सुधारित धोरण लागू करण्याचा निर्णय राज्य सरकारच्या मंत्रिमंडळ बैठकीत घेण्यात आला आहे. बैठकीत क्रीडा, आरोग्य, वस्त्रोद्योग आणि विधी व न्याय विभागाशी संबंधित अनेक महत्त्वपूर्ण निर्णय घेण्यात आले. (Maharashtra Cabinet)
राज्यातील यशस्वी आणि गुणवंत खेळाडूंना शासकीय, निमशासकीय व इतर क्षेत्रांतील नोकऱ्यांमध्ये मिळणाऱ्या 5 टक्के आरक्षणाबाबत सुधारित धोरण लागू करण्यास मंजुरी दिली. या नवीन सुधारित धोरणामुळे पूर्वीचे सर्व शासन निर्णय, शासन शुद्धिपत्रके, परिपत्रके आणि संबंधित पत्रे पूर्णपणे रद्द करण्यात आली आहेत. (Maharashtra Cabinet)
तसेच, सार्वजनिक आरोग्य व्यवस्था अधिक सक्षम करण्यासाठी आशियाई विकास बँकेच्या (एडीबी) सहकार्याने नवा प्रकल्प राबवण्यास मंजुरी देण्यात आली. सार्वजनिक आरोग्य यंत्रणा अधिक सुदृढ, अद्ययावत आणि तंत्रज्ञानस्नेही करण्यासाठी प्रगती प्रकल्प राबवला जाणार आहे. (Maharashtra Cabinet)
हा प्रकल्प सन 2026 ते 2031 या पाच वर्षांच्या कालावधीत राबवला जाईल. यासाठी आशियाई विकास बँकेकडून कर्ज घेण्यास आणि त्यात राज्य शासनाचा हिस्सा समाविष्ट करण्यास मंजुरी देण्यात आली. (Maharashtra Cabinet)
सोलापूर जिल्ह्यातील माढा येथे नवीन जिल्हा व अतिरिक्त सत्र न्यायालय स्थापन करण्यात येणार आहे. या न्यायालयासाठी आवश्यक असणारी पदे निर्माण करण्यास आणि खर्चाच्या तरतुदीस मान्यता देण्यात आली. (Maharashtra Cabinet)
वस्त्रोद्योग विभागांतर्गत ह्योसंग इंडिया प्रा. लि. यांना भांडवली अनुदान देण्यास मंजुरी देण्यात आली आहे. मुंबईतील कैवल्यधाम ईश्वरदास चुन्नीलाल योगिक सेंटरच्या जमिनीच्या भाडेपट्ट्याचे सवलतीच्या दराने नूतनीकरण करण्यास मंजुरी देण्यात आली. (Maharashtra Cabinet)
उच्च न्यायालयाच्या निर्देशांचे राज्य सरकार पालन करेल; डॉक्टरांच्या संपाबाबत फडणवीस यांची माहिती
तसेच, चेंबूर येथील भिक्खू संघ युनायटेड बुद्धिस्ट मिशन या संस्थेला त्यांच्या सध्याच्या वहिवाटीत असलेली जमीन देण्याचा निर्णय घेण्यात आला. नागपूर जिल्ह्यातील कोराडी येथील तीर्थक्षेत्र विकास आराखड्यांतर्गत विकसित करण्यात येत असलेली शासकीय जमीन श्री महालक्ष्मी जगदंबा संस्थानाला हस्तांतरित करण्यास मंजुरी दिली आहे. (Maharashtra Cabinet)
Maharashtra Cabinet : फडणवीस सरकारचे ८ महत्त्वाचे निर्णय, वाचा एका क्लिकवर..
