Eknath Shinde । Maharashtra Assembly Election 2024 | एकनाथ शिंदे यांच्यासह समर्थक आमदार, खासदारांनी शिवसेनेत बंडखोरी केली आणि शिंदे सेना आणि ठाकरे सेना असे दोन गट पडले. यंदाच्या विधानसभा निवडणुकीत देखील हे दोन्ही गट आमने सामने दिसणार आहेत.

विधानसभा निवडणुकीत पहिल्यांदा शिवसेना विरुद्ध शिवसेना असा थेट सामना पाहायला मिळणार आहे. 47 विधानसभा मतदारसंघांमध्ये शिवसेना विरुद्ध शिवसेना असा संघर्ष होणार आहे.

अश्यातच आता मुख्यमंत्री एकनाथ शिंदे यांची शिवसेना आज प्रचाराचा नारळ फोडणार असून, कुर्ल्याचे आमदार मंगेश कुडाळकर यांच्यासाठी मुख्यमंत्री एकनाथ शिंदे यांच्या सभेचे आयोजन करण्यात आले आहे.

दरम्यान शिंदे यांच्या पहिल्याच सभेची सुरुवात आयटम साँगने करण्यात आल्याने सध्या याची सर्वत्र चर्चा रंगू लागली आहे. कुर्ला विधानसभा मतदारसंगाचे आमदार मंगेश कुडाळकर यांच्यासाठी मुख्यमंत्री एकनाथ शिंदे यांच्या प्रचारसभेचे आयोजन करण्यात आले आहे.

विशेष म्हणजे शिवसेनेची यंदाच्या विधानसभेसाठी ही पहिलीच जाहीर सभा आहे. पण ही सभा सध्या सर्वांचेच लक्ष वेधून घेत आहे. महायुतीच्या भवितव्यासाठी निर्णायक ठरणाऱ्या विधानसभा निवडणुकीच्या या पहिल्या प्रचार सभेतून मुख्यमंत्री कोणते मुद्द्यांवर भर देणार याकडे सर्वांचे लक्ष लागले आहे.