Maharashtra Assembly Election 2024 (Hingoli)‎ – वंचित बहुजन आघाडीकडून दोघांनी एबी फॉर्मसह‎ हिंगोलीत अर्ज दाखल केले होते. छाननीत सर्वप्रथम‎ उमेदवारी अर्ज दाखल केलेल्या उमेदवाराचा अर्ज ‎वैध ठरवून दुसऱ्या उमेदवाराचा 37 मिनिटांनी‎ आलेला अर्ज अपक्ष धरण्यात आला. त्यामुळे एबी‎फॉर्म आणल्यानंतरही इच्छुक उमेदवाराला अपक्ष‎ म्हणून निवडणूक लढवण्याची वेळ आली आहे.‎

हिंगोली विधानसभा मतदारसंघात वंचित कडून ‎प्रकाश थोरात यांनी अर्ज दाखल केला आहे. माजी ‎नगरसेवक जावेद राज यांनीही वंचित व अपक्ष‎ म्हणून उमेदवारी अर्ज दाखल केला. दोघांकडेही एबी‎फॉर्म होता. माजी नगरसेवक जावेद राज व प्रकाश ‎थोरात यांच्या एबी फाॅर्मवर आक्षेप नोंदवला. मात्र ‎थोरात यांनी 2 वाजून 22 मिनिटांनी, तर जावेद राज‎यांनी 2 वाजून 59 मिनिटांनी अर्ज दाखल केला होता.‎ सर्वप्रथम आलेला एबी फॉर्म वैध ठरवण्यात आला.‎

Maharashtra Assembly Election 2024 : राज्यात मुख्यमंत्री म्हणून जनतेची अधिक पसंती कोणाला? सी-वोटरचा सर्व्हे आला समोर…..

दरम्यान, महाराष्ट्र राज्य विधानसभेच्या 288 जागांसाठी एकाच टप्प्यात 20 नोव्हेंबर रोजी मतदान होणार आहे. 23 नोव्हेंबरला निकाल लागणार आहे. यंदाच्या विधानसभा निवडणुकीत विधानसभेच्या 288 जागांसाठी तब्बल 7 हजार 995 उमेदवार मैदानात आहेत.