Lovlina Borgohain Medals Assured Glasgow Commonwealth Games 2026 : स्कॉटलंडमधील ग्लास्गो शहरात २३ जुलैपासून सुरू होणाऱ्या ‘राष्ट्रकुल क्रीडा स्पर्धेच्या’ (Commonwealth Games 2026) भव्य उद्घाटन सोहळ्यापूर्वीच भारतासाठी अत्यंत आनंदाची आणि अभिमानास्पद बातमी समोर आली आहे. ऑलिम्पिक पदकविजेती स्टार महिला बॉक्सर लव्हलिना बोर्गोहीन हिचे भारतासाठी किमान कांस्यपदक (Bronze Medal) पक्के झाले आहे.  (Lovlina Medal Assured)

महिलांच्या ७५ किलो वजनी गटात अवघ्या ५ महिला बॉक्सरचा सहभाग असल्याने, नशिबाची साथ आणि उत्तम रँकिंगमुळे लव्हलिनासह टॉप-३ खेळाडूंना थेट उपांत्य फेरीत (Semifinal) प्रवेश मिळाला आहे. त्यामुळे एकही सामना न खेळता लव्हलिनाचे पदक निश्चित झाले आहे.  (Lovlina Medal Assured)

३१ जुलैला उपांत्य फेरीत ‘टाफाकी’शी सामना!  (Lovlina Medal Assured)

Lovlina Borgohain assures #TeamIndia its first medal at #CWG2026. A direct entry into the Women’s 75kg semifinals guarantees her at least a bronze.#Cheer4Bharat #Glasgow2026 @LovlinaBorgohai pic.twitter.com/SGRCcOZQG5

— Doordarshan Sports (@ddsportschannel) July 23, 2026

७५ किलो वजनी गटातील बहुप्रतिक्षित उपांत्य फेरीचा सामना ३१ जुलै रोजी खेळवला जाणार असून, यामध्ये लव्हलिनाचा सामना तुवालू देशाच्या टाफाकी हिच्याशी होईल. हा सामना जिंकून अंतिम फेरीत प्रवेश करण्यात लव्हलिनाला यश आल्यास, तिचे किमान रौप्यपदक (Silver) पक्के होईल. सर्व भारतीय क्रीडाप्रेमींना तिच्याकडून सुवर्णपदकाचीच अपेक्षा आहे.

हेही वाचा – BCCI Fitness Controversy : बीसीसीआयचा ‘सेंटर ऑफ एक्सलन्स’वर उडाला भडका! अनफिट खेळाडूंना संघात स्थान दिल्याने पेटला नवा वाद

नीरज चोप्रा आणि मीराबाई चानूकडे सर्वांचे लक्ष!   (Lovlina Medal Assured)

यंदाच्या राष्ट्रकुल स्पर्धेत क्रीडा प्रकारांची संख्या १० वर आणल्यामुळे पदकांच्या स्पर्धाही मर्यादित झाल्या आहेत. भारताचे १२५ ॲथलीट्सचे पथक ८ विविध खेळांमध्ये सहभागी होणार आहे. लव्हलिनाचे पहिले पदक पक्के झाल्यानंतर आता भालाफेकीत नीरज चोप्रा आणि वेटलिफ्टिंगमध्ये मीराबाई चानू यांच्याकडून भारताला सुवर्णपदकाची मोठी आशा आहे. २०२२ च्या बर्मिंगहॅम राष्ट्रकुल स्पर्धेत भारताने २२ सुवर्णांसह एकूण ६१ पदके जिंकली होती, तोच पराक्रम पुन्हा गाजवण्यासाठी भारतीय शिलेदार सज्ज झाले आहेत.  (Lovlina Medal Assured)