Vaibhav Sooryavanshi On Struggle ahead India IND vs ZIM T20 Series Harare Records : भारताचा १५ वर्षीय युवा स्फोटक फलंदाज वैभव सूर्यवंशी (Vaibhav Sooryavanshi) याने झिम्बाब्वेविरुद्धच्या टी-२० मालिकेपूर्वी आपल्या कारकिर्दीतील चढ-उतारांवर भाष्य केले आहे. गेल्या चार महिन्यांचा काळ आपल्यासाठी अजिबात सोपा नव्हता आणि अनेक कठीण प्रसंगांचा सामना करावा लागला, अशी प्रामाणिक कबुली वैभवने दिली आहे. मात्र, या प्रतिकूल परिस्थितीतही आपला आत्मविश्वास डगमगलेला नसून, झिम्बाब्वेविरुद्धच्या मालिकेत दमदार कामगिरी करण्यासाठी आपण पूर्णपणे सज्ज असल्याचे त्याने स्पष्ट केले आहे.

सचिन तेंडुलकरचा ऐतिहासिक विक्रम मोडला!

आयपीएलमधील स्फोटक कामगिरीच्या जोरावर वैभव सूर्यवंशीला पहिल्यांदाच भारतीय टी-२० संघात स्थान मिळाले होते. आयर्लंड दौऱ्यावर त्याला संधी मिळाली नाही, मात्र इंग्लंडविरुद्धच्या दुसऱ्या टी-२० सामन्यातून त्याने आंतरराष्ट्रीय क्रिकेटमध्ये पदार्पण केले. या पदार्पणासह भारतासाठी आंतरराष्ट्रीय क्रिकेट खेळणारा सर्वात तरुण खेळाडू ठरत त्याने महान फलंदाज सचिन तेंडुलकरचा अनेक वर्षांचा ऐतिहासिक विक्रम मोडीत काढला.

गेल्या चार महिन्यांत खूप चढ-उतार आले –

Vaibhav Sooryavanshi practicing at Royals Academy 🗣️#Cricket

pic.twitter.com/5xfnz4buG9

— CREX (@Crex_live) July 21, 2026

पदार्पणानंतर वैभवचा प्रवास काहीसा खडतर राहिला. इंग्लंडविरुद्धच्या पहिल्या तीन सामन्यांत त्याला अनुक्रमे १४, १३ आणि १५ धावाच करता आल्या. त्यामुळे पाचव्या टी-२० सामन्यात त्याला प्लेइंग इलेव्हनमधून वगळून अनुभवी संजू सॅमसनला संधी देण्यात आली. यावर बोलताना वैभव म्हणाला, “गेल्या चार महिन्यांत खूप चढ-उतार आले. क्रिकेटमध्ये हे घडतच असते. मला माझ्या प्रक्रियेवर विश्वास ठेवायचा आहे आणि संघासाठी १०० टक्के योगदान द्यायचे आहे.”

हेही वाचा – Shreyas Iyer Statement : “टीकेला घाबरू नका, बिनधास्त खेळा!”; झिम्बाब्वे मालिकेपूर्वी कर्णधार श्रेयस अय्यरचा युवा शिलेदारांना गुरुमंत्र

हरारे मैदान वैभवसाठी अत्यंत खास!

Vaibhav Sooryavanshi is so kind and humble.

He never forgets to take selfies with his fans and give them autographs. Yesterday, he was taking selfies with fans during the practice session in Zimbabwe 🫡❤️ pic.twitter.com/2Jag0PaINe

— Indian Cricket Ministry (@Tejashyyyyyy) July 21, 2026

झिम्बाब्वेचे हरारे स्पोर्ट्स क्लब मैदान वैभवसाठी खूप खास आहे. याच मैदानावर त्याने अंडर-१९ वर्ल्ड कप फायनलमध्ये इंग्लंडविरुद्ध अवघ्या ८० चेंडूंत १७५ धावांची वादळी खेळी करत भारताला विश्वविजेतेपद मिळवून दिले होते. त्या अनुभवाचा आणि तिथल्या वातावरणाचा फायदा घेत आता वरिष्ठ आंतरराष्ट्रीय टी-२० संघात स्वतःला सिद्ध करण्याचा वैभवचा निर्धार आहे.