BCCI Fitness Controversy : बीसीसीआयचा ‘सेंटर ऑफ एक्सलन्स’वर उडाला भडका! अनफिट खेळाडूंना संघात स्थान दिल्याने पेटला नवा वाद
BCCI Fitness Controversy : बीसीसीआयच्या 'सेंटर ऑफ एक्सलन्स'कडून खेळाडूंच्या फिटनेस चाचणीत मोठी हयगय केली जात असल्याचे समोर आले आहे.
BCCI Unhappy With Players Fitness Reports Centre Of Excellence : भारतीय क्रिकेट संघात सध्या खेळाडूंच्या वारंवार होणाऱ्या दुखापतींचा मुद्दा अत्यंत गंभीर बनला आहे. जसप्रीत बुमराह, नितीश कुमार रेड्डी, हर्षित राणा आणि वॉशिंग्टन सुंदर यांसारखे महत्त्वाचे खेळाडू दुखापतींमुळे संघातून बाहेर पडत असल्याने बीसीसीआय प्रचंड नाखूष असल्याचे समोर आले आहे. ‘टाइम्स ऑफ इंडिया’च्या ताज्या अहवालानुसार, बीसीसीआयच्या ‘सेंटर ऑफ एक्सलन्स’कडून खेळाडूंच्या फिटनेस चाचणीत मोठी हयगय केली जात असून, पूर्णपणे फिट नसलेल्या खेळाडूंना संघात खेळवण्यासाठी नियमांकडे दुर्लक्ष केले जात असल्याचा खळबळजनक खुलासा झाला आहे.
हॅमस्ट्रिंगच्या दुखापती आणि समन्वयाचा अभाव!
अहवालानुसार, भारतीय खेळाडूंना वारंवार हॅमस्ट्रिंगच्या (Hamstring) दुखापतींचा सामना करावा लागत आहे, कारण ते १००% फिट नसतानाच मैदानात उतरवले जात आहेत. संघ व्यवस्थापन आणि ‘सेंटर ऑफ एक्सलन्स’ (CoE) यांच्यात समन्वयाचा मोठा अभाव असल्याचे बीसीसीआयच्या सूत्रांनी स्पष्ट केले आहे. नितीन पटेल यांच्या राजीनाम्यानंतर सीओईच्या वैद्यकीय पथकाच्या (Medical Staff) प्रमुखपदी अद्याप नवी नियुक्ती झालेली नाही, ज्यामुळे या व्यवस्थेत मोठा गोंधळ निर्माण झाला आहे.
हर्षित राणा अन् वॉशिंग्टन सुंदरबाबत धक्कादायक खुलासे!
🚨 Team India’s fitness system under scrutiny:
1. Recent hamstring injuries suggest some players may not have been fully fit before taking the field.
2. A communication gap reportedly exists between the CoE and team management regarding players’ fitness status and workload.…
— Harshit (@I_am_Harshit_17) July 22, 2026
अहवालात दावा करण्यात आला आहे की, गुडघ्याच्या दुखापतीनंतर हर्षित राणाने आवश्यक असलेले ‘बॉडी वेट’ (Body Weight) निकष पूर्ण केले नव्हते. तरीही संघ व्यवस्थापनाच्या दबावाखाली त्याला खेळण्याची परवानगी दिली गेली. त्यामुळे हर्षित आणि नितीश कुमार रेड्डी यांच्या वारंवार होणाऱ्या दुखापतींमुळे बीसीसीआय कमालीचे नाराज आहे. दुसरीकडे, वॉशिंग्टन सुंदरला टी-२० वर्ल्ड कप संघात घाईघाईत समाविष्ट करण्यात आले होते आणि संघात आल्यानंतर सामना खेळण्यासाठी पूर्णपणे फिट होण्यासाठी त्याला तब्बल १० दिवस लागले होते.
कर्णधार शुबमन गिलचीही चिंता वाढली!
इंग्लंड दौऱ्यादरम्यान कर्णधार शुबमन गिलनेही मुख्य खेळाडूंच्या दुखापतींवर उघडपणे चिंता व्यक्त केली होती. आता बीसीसीआय या वैद्यकीय अनास्थेवर काय कडक पावले उचलते, याकडे सर्वांचे लक्ष लागले आहे.
