Singer Death : भारतीय संगीतविश्वासाठी अत्यंत दुःखद बातमी समोर आली आहे. दक्षिण भारतीय संगीतविश्वातील दिग्गज पार्श्वगायिका एस. जानकी यांचे वयाच्या ८८व्या वर्षी निधन झाले. प्रेमाने ‘जानकी अम्मा’ म्हणून ओळखल्या जाणाऱ्या या ज्येष्ठ गायिकेच्या निधनाने संपूर्ण चित्रपटसृष्टी आणि संगीतविश्वात शोककळा पसरली आहे. (Singer Death)

एस. जानकी यांनी आपल्या प्रदीर्घ कारकिर्दीत तमिळ, तेलुगू, कन्नड, मल्याळम, हिंदीसह अनेक भारतीय भाषांमध्ये हजारो गाणी गायली. त्यांच्या वैशिष्ट्यपूर्ण आवाजामुळे आणि भावपूर्ण गायकीमुळे त्यांना दक्षिण भारतातील ‘गानकोकिळा’ म्हणूनही ओळखले जात असे. (Singer Death)

२०१३ मध्ये केंद्र सरकारने त्यांना पद्मभूषण पुरस्कार जाहीर केला होता. मात्र, आपल्या संगीत क्षेत्रातील योगदानाच्या मानाने हा सन्मान खूप उशिरा जाहीर झाल्याचे सांगत त्यांनी तो स्वीकारण्यास नकार दिला होता. त्यांच्या या निर्णयाची देशभरात मोठी चर्चा झाली होती. (Singer Death)

एस. जानकी यांना आपल्या कारकिर्दीत चार राष्ट्रीय चित्रपट पुरस्कार तसेच विविध राज्य सरकारांचे मिळून ३३ राज्य चित्रपट पुरस्कार प्राप्त झाले होते. त्यांनी आर. डी. बर्मन, लक्ष्मीकांत-प्यारेलाल, बप्पी लाहिरी, अनु मलिक, रवींद्र जैन यांसारख्या दिग्गज संगीतकारांसोबत काम केले. (Singer Death)

हेमा मालिनी, रेखा, श्रीदेवी आणि माधुरी दीक्षित यांसारख्या अनेक अभिनेत्रींसाठी त्यांनी पार्श्वगायन केले.  त्यांच्या निधनाने भारतीय संगीतविश्वाने एक अजरामर आवाज गमावला असून, चाहत्यांकडून आणि विविध क्षेत्रातील मान्यवरांकडून त्यांना भावपूर्ण श्रद्धांजली वाहिली जात आहे. (Singer Death)

Pandavani Singer Teejan Bai: पांडवानी गायिका तीजन बाई काळाच्या पडद्याआड; स्त्री असल्यामुळे विरोध, १० रुपये मानधन अन्…