Jaspal Rana Passes Away : ‘विमानातच तब्येत बिघडली अन् …;’ मनू भाकरला ऑलिम्पिक मेडल जिंकवून देणाऱ्या जसपाल राणांचे अचानक निधन
Jaspal Rana Passes Away : म्युनिक (जर्मनी) येथील 'आयएसएसएफ' विश्वचषकातून मायदेशी परतत असतानाच त्यांची प्रकृती बिघडली होती.
Indian Shooting Coach Jaspal Rana Passes Away : भारतीय क्रीडा क्षेत्रासाठी अत्यंत धक्कादायक आणि दुःखद बातमी समोर आली आहे. भारताचे महान माजी नेमबाज आणि ऑलिम्पिक पदक विजेती मनू भाकर हिचे मुख्य प्रशिक्षक जसपाल राणा यांचे शुक्रवारी हृदयविकाराच्या उपचारादरम्यान निधन झाले. ते अवघ्या ४९ वर्षांचे होते. म्युनिक (जर्मनी) येथील ‘आयएसएसएफ’ विश्वचषकातून मायदेशी परतत असतानाच त्यांची प्रकृती बिघडली होती. दिल्लीत उतरल्यानंतर त्यांना तातडीने रुग्णालयात दाखल करून स्टेंटही टाकण्यात आला होता, मात्र उपचारादरम्यान त्यांची प्राणज्योत मालवली. त्यांच्या पश्चात पत्नी रीना, मुलगी देवांशी, मुलगा युवराज आणि वडील नारायण सिंह असा परिवार आहे.
वयाच्या १२ व्या वर्षी सुवर्णवेध; असा होता खेळाडू म्हणून दबदबा! (Jaspal Rana Passes Away)
अतिशय बेधडक आणि स्पष्टवक्ते स्वभावाचे म्हणून ओळखल्या जाणाऱ्या जसपाल राणा (Jaspal Rana ) यांनी अवघ्या १२ व्या वर्षी राष्ट्रीय पातळीवर पहिले सुवर्णपदक जिंकले होते. १९९४ च्या आशियाई आणि राष्ट्रमंडल खेळांमध्ये सुवर्णपदक जिंकत त्यांनी आंतरराष्ट्रीय स्तरावर भारताचा डंका वाजवला. २००६ च्या दोहा आशियाई क्रीडा स्पर्धेत त्यांनी ३ सुवर्ण आणि १ रौप्य पदक जिंकून जागतिक विक्रमाची बरोबरी केली होती. राष्ट्रमंडल खेळांमध्ये भारताचे प्रतिनिधित्व करताना त्यांनी १५ पदके (९ सुवर्णांसह) आपल्या नावावर केली होती. (Jaspal Rana)
प्रशिक्षक म्हणून ‘द्रोणाचार्य’; मनू भाकरला घडवले! (Jaspal Rana Passes Away)
🚨 Indian shooting loses a legend. Jaspal Rana, Asian Games gold medallist, Dronacharya awardee, and the coach behind Manu Bhaker’s historic double bronze at Paris 2024, passed away at 49.
NRAI confirmed his death after he fell ill returning from the ISSF World Cup in Munich.… pic.twitter.com/t6dLxy7OiD
— Fortune India (@FortuneIndia) June 12, 2026
खेळाडू म्हणून निवृत्त झाल्यानंतर त्यांनी भारताचे ‘हाय-परफॉर्मन्स’ प्रशिक्षक म्हणून काम पाहिले. २०२४ च्या पॅरिस ऑलिम्पिकमध्ये मनू भाकरला दोन कांस्यपदके जिंकून देण्यात त्यांची भूमिका सर्वात महत्त्वाची होती. याशिवाय सौरभ चौधरी, अनिश भानवाला यांसारखे जागतिक दर्जाचे नेमबाज त्यांनीच घडवले. त्यांच्या या अतुलनीय योगदानासाठी केंद्र सरकारने २०२० मध्ये त्यांना प्रतिष्ठित ‘द्रोणाचार्य पुरस्काराने’ गौरविले होते. (Jaspal Rana Passes Away )
पंतप्रधान नरेंद्र मोदींकडून तीव्र दुःख व्यक्त! (Jaspal Rana Passes Away)
Deeply saddened by the passing of Shri Jaspal Rana Ji. His passing is a profound loss to the world of Indian sports.
He brought immense glory to the nation through his extraordinary achievements in shooting. Equally remarkable was his contribution as a mentor, shaping and…
— Narendra Modi (@narendramodi) June 12, 2026
पंतप्रधान नरेंद्र मोदी यांनी जसपाल राणा यांच्या निधनाबद्दल तीव्र शोक व्यक्त केला आहे. त्यांनी ‘एक्स’ (ट्विटर) वर लिहिले, “जसपाल राणा यांच्या निधनाने भारतीय क्रीडा क्षेत्राचे कधीही न भरून निघणारे नुकसान झाले आहे. एक उत्कृष्ट खेळाडू आणि मेंटॉर म्हणून त्यांनी युवा पिढीला मोलाचे मार्गदर्शन केले. त्यांच्या कुटुंबाप्रती माझ्या सहवेदना आहेत. ओम शांती.”
